Бүгін Қазақстан Клермон-Ферранда ашылған Франциядағы 33-ші мал шаруашылығы саммитінің құрметті қонағы болды. Бұл Еуропадағы ең ірі халықаралық мамандандырылған кәсіби мал көрмелерінің бірі, онда дәстүр бойынша мал шаруашылығын тұрақты дамыту тақырыбы талқыланады.

Саммитте ҚР мал шаруашылығы саласына ерекше назар аударылды.

Ауқымды іс-шара аясында «Қазақстанның мал шаруашылығы секторындағы сын-қатерлер мен мүмкіндіктер» атты конференция өтті.

«Жыл сайын біз шамамен 20 млрд. долларына ауыл шаруашылығы өнімін өндіреміз, ал қайта өңдеу өнімдері – 6 млрд.доллар. Азық-түлік қауіпсіздігі өнімдерінің барлық негізгі түрлері бойынша қамтамасыз етілген.

Бұл ретте АӨК еңбек өнімділігінің орташа жылдық өсу қарқыны 20% құрайды. АӨК өнімдерінің жыл сайынғы экспорты 5 млрд. доллары. Біздің мақсатымыз алдағы бес жылда оны 10 млрд. долларға жеткізу.

Бұл ҚР Үкіметі іске асыратын, агробизнесті жүргізу үшін қолайлы жағдайлар жасайтын ұзақ мерзімді аграрлық саясаттың нәтижесі. Биыл көктемгі егіс және егін жинау жұмыстарына жеңілдетілген несиелеу көлемі үш есеге ұлғайып, 1,2 млрд долларды құрады», - деп атап өтті Ауыл шаруашылығы вице-министрі Аманғали Бердалин.

Вице-министр тікелей шетелдік инвестицияларды тартуға және ауыл шаруашылығы саласында бірлескен өндірістер құруға қызығушылық білдірді.

Іс-шара мамандардың пікір алмасуының бірегей алаңына айналды. Қазақстандық бизнес өкілдері отандық ірі қара, ұсақ мал, жылқы тұқымдарын таныстырды. Француз жағы ең жаңа әзірлемелер мен ақпараттық технологияларды ұсынды. Қатысушылар басым бағыттардағы, оның ішінде аграрлық ғылымды дамытудағы ынтымақтастық мүмкіндіктерін талқылады.

Әулиекөл тұқымы жөніндегі республикалық палата мен Францияның Шароле тұқымының Ұлттық қауымдастығы, Elite Export және France Group Consulting Bureau арасындағы конференция қорытындысы бойынша асыл тұқымды істер саласындағы уағдаластық туралы Меморандумға қол қойылды.

Сондай-ақ, «Қайып Ата» ЖШС және «PEGASE BVS» компаниялары арасында жылқы етін жеткізуді ұйымдастыру бойынша ынтымақтастық туралы келісім жасалды.

33-ші мал шаруашылығы саммиті тұратын ауылшаруашылық техникасы, жабдықтары, мал шаруашылығы және жануарларды күту, биоэнергетика өндірушілерін 90 елден 100 мыңнан астам адамды жинады.

Қазақстандық делегация құрамына Әулиекөл тұқымы жөніндегі Республикалық палатаның, Қазақтың ақбас тұқымды республикалық палатасының өкілдері, қой шаруашылықтарының, құс және балық өсіру кәсіпорындарының басшылары кірді.

Барлық іс-шаралар Қазақстанның Франциядағы елшілігінің қолдауымен ұйымдастырылды.

Ақпарат көзі: Министерство сельского хозяйства Республики Казахстан