Астана, 2024 жылғы 29 тамыз – Қазақстан Республикасы Сыртқы істер министрінің бірінші орынбасары Ақан Рахметуллин Францияның Қазақстандағы жаңа тағайындалған Елшісі Сильвен Гийогеден сенім грамоталарының көшірмелерін қабылдады.

Сұхбат барысында тараптар екіжақты және көпжақты ынтымақтастықтың кең ауқымды мәселелері бойынша пікір алмасып, екі ел арасындағы сауда-экономикалық және инвестициялық қарым-қатынастарды дамыту перспективаларына ерекше тоқталды.

Дипломаттар аса жоғары және жоғары деңгейде екіжақты алмасулардың серпінін сақтаудың маңыздылығын атап өтті.

Кездесу соңында Франция Елшісі жылы қабылдау үшін алғысын айтып, Қазақстанмен стратегиялық серіктестікті одан әрі нығайтуға дайын екенін растады.

Ақпарат көзі: Министерство иностранных дел Республики Казахстан