HERIOT-WATT UNIVERSITY РЕКТОРЫ МАРК БИГГС АҚТӨБЕДЕГІ КАМПУС СТУДЕНТТЕРІМЕН КЕЗДЕСТІ

Қ.Жұбанов атындағы Ақтөбе өңірлік университетіне жаңа оқу жылында теориялық және практикалық сабақтар өткізу үшін Британ университетінің ректоры бастаған оқытушылар тобы келді.

Топтың құрамында Инженерлік және физика мектебінің оқытушылары Sami Haider және Dmitry Lapshin, Компьютерлік ғылымдар бөлімінің жетекшісі, профессор Jurriaan Hage, сондай-ақ оқыту сапасын бақылау үшін академиялық менеджерлер Жаһандық колледждің менеджері Pavla Drabkova және Халықаралық серіктестік кеңсесінің менеджері Alexa Goszleth бар.

Engagement Plan-ға сәйкес, Heriot-Watt Ақтөбе кампусының білім беру процесіне британдық университеттің шетелдік кампустарының профессорлары белсенді қатысуы көзделген. Сапар барысында британдық жоғары оқу орнының басшылығы Жұбанов университетінің басшылығымен, Ақтөбе кампусының профессор-оқытушылар құрамы және студенттерімен кездесті.

Өткен оқу жылының нәтижелерін бірлесіп талдау оқу әдістемелерін жаңартуға және өткен жылдың негізінде жасалған қорытындыларды ескеруге, сондай-ақ білім беру процесін жақсартудың жаңа стратегияларын белгілеуге мүмкіндік берді.

Сонымен қатар, делегация Heriot-Watt Ақтөбе кампусының студенттерімен кездесті. Кездесу барысында Шотландияның ең көне жоғары оқу орнының академиялық саясатының принциптері түсіндірілді. Шетелдік қонақтар оқытушылар мен білім алушылар тарапынан оқу процесіне екіжақты жауапкершілік мәселесіне ерекше назар аударды, бұл тиімді білім беру процесін қамтамасыз етудің негізгі факторы болып табылады.

Кездесу белсенді пікірталас алаңы аясында өтті. Қатысушылар Ақтөбе кампусындағы оқу процесіне қатысты көптеген мәселелерді талқылады. Биыл жоғары оқу орнына түскен студенттер көкейкесті сұрақтарын қойып, Heriot-Watt және Жұбанов университетінің басшылығы тарапынан толыққанды жауаптар алды.

Өз кезегінде, екінші курс студенттері бірінші курс студенттеріне бірінші оқу жылы қалай өткенін, қандай дағдыларды игергенін айтып берді. Сондай-ақ, олар Heriot-Watt-та жоғары нәтижеге жету үшін қалай оқу керектігі туралы пайдалы кеңестерімен бөлісті.

видео

Ақпарат көзі: Қазақстан Республикасы Ғылым және жоғары білім министрлігі