Биыл облыстық білім басқармасы «Шуақты – Шұғыла» бөбекжайының шатырын ағымдағы жөндеуге қаражат бөлді. Мемлекеттік сатып алу порталы арқылы конкурс өткізіліп, «Finansial Group Allalit» ЖШС жеңімпаз атанған еді.

Қазір ғимараттың ішіне жөндеу жұмыстары жүріп жатыр. Жақын арада барлығын аяқтау жоспарлануда.

1967 жылы салынған бөбекжай аудан орталығындағы алғашқы мектепке дейінгі мекеме болды. Кейіннен «Бал-ерке» және «Көкпекті Толағайы» балабақшалары ашылды. Бүгінде «Шуақты – Шұғылада» 120 бала тәрбиеленуде, оларға 20-дан аса маман тәрбие беруде.

Ақпарат көзі: Абай облысының әкімдігі