Қазақстан-Германия бизнес-форумы аясында Астана қаласында 2024 жылғы 16 қыркүйекте Ақмола облысының әкімдігі мен СТ Agro GmbH компаниясы арасында Көкшетау қаласында CLAAS және Horsch неміс брендтерінің ауыл шаруашылығы техникасына сервистік қызмет көрсетуге арналған заманауи сервистік орталық құрылысының инвестициялық жобасын іске асыру бойынша ынтымақтастық туралы Меморандумға қол қойылды.  

«Ақмола облысы - еліміздің агроөнеркәсіптік кешенінің орталығы. Әрбір екінші мамандандырылған автокөлік, астық жинайтын комбайн біздің өңірде шығарылады. Меморандумға қол қою – ауыл шаруашылығы саласын одан әрі дамыту мен кеңейтудің маңызды қадамы», – деді Ақмола облысы әкімінің орынбасары Ернар Жаркешов.

Компания 100 жаңа жұмыс орнын құра отырып, сервистік орталық салуға 4 млн. еуроға дейін инвестиция құюды жоспарлап отыр.

2024 жылдың басынан бері өңірде шетелдік инвесторлармен 327 млрд теңге сомасына 6 меморандумға қол қойылды.

 Анықтама үшін: СТ AGRO компаниясы CLAAS неміс ауылшаруашылық өндірушісінің ресми дилері ретінде танымал. Компанияны 2000 жылы Германиядан келген бастамашыл кәсіпкер Клаус Тишер құрған.

Ақпарат көзі: ГУ «Аппарат акима Акмолинской области»