Бүгін Қазақстан Республикасының Мемлекеттік рәміздері күніне орай Ақмола облысында ардагерлердің, құрметті азаматтардың, үкіметтік емес ұйымдардың және облыс жастарының қатысуымен патриоттық акция өтті. 

Іс-шара Мемлекеттік әнұранды үрмелі аспаптар оркестрінің сүйемелдеуімен  Біржан сал атындағы және Ж. Мусин атындағы Қазақ педагогикалық колледжі студенттері бірлескен хорының орындауынан басталды.

Құттықтау сөзінде Ақмола облысының әкімі еліміздің рәміздері егемендіктің нышандары ғана емес, бұл патриотизм мен Отанға деген сүйіспеншілік сияқты ұғымдардың көрінісі екенін атап өтті.

«Өйткені, еліміздің басты рәміздерінің мақсаты бір мемлекетті екінші мемлекеттен ажырату және тәуелсіздік идеясын білдіру ғана емес, сонымен бірге олар азаматтарды біріктіріп, өздерін біртұтас Отанның бір бөлігі ретінде тануға көмектеседі. Сондықтан мемлекеттік рәміздерге деген көзқарас - бұл адамдардың өз елінің азаматтары ретінде сезінуінің, оның болашағына сенуінің, оның патриоттары екендігінің көрсеткіші», - деп атап өтті Марат Ахметжанов.

Акция барысында облыс әкімінің алғыс хаттарымен марапаттау рәсімі өтті. Олар 20-дан астам ақмолалықтар, батырлар, еріктілер және халықаралық ғылыми, мәдени және спорттық байқаулар мен фестивальдердің жеңімпаздары болды.

Ақпарат көзі: ГУ «Аппарат акима Акмолинской области»