ҚР Қорғаныс министрлігі «Қазақстан Республикасының Үкіметі мен Сербия Республикасының Үкіметі арасындағы қорғаныс саласындағы ынтымақтастық туралы келісімге қол қою туралы» Үкімет қаулысының жобасын дайындады.

Бұл нормативтік құқықтық акт екі ел үкіметтері арасындағы қорғаныс саласындағы ынтымақтастық туралы келісімнің жобасын мақұлдау және Қазақстанның Қорғаныс министріне оған қол қоюға өкілеттік беру мақсатында әзірленді.

Келісім қорғаныс саясаты мен қауіпсіздігі, әскери білім беру және әскери қызметшілерді кәсіптік даярлау, тылдық қамтамасыз ету, әскери медицина, жауынгерлік даярлық және басқа да салаларда ынтымақтастықты жүзеге асыруға мүмкіндік береді. 

Құжатта екі мемлекеттің ұлттық заңнамаларына сәйкес теңдік және өзара түсіністік қағидаттары негізінде қорғаныс саласындағы ынтымақтастықты айқындау және оны дамыту көзделеді.

Үкімет қаулысы жобасының толық мәтінімен «Электрондық үкімет» порталында «Ашық НҚА» бөлімінде осы жылдың 3 маусымына дейін мына https://legalacts.egov.kz/npa/view?id=15059548 сілтеме арқылы танысуға болады.

Ақпарат көзі: Министерство обороны Республики Казахстан