Атырау облысы Дін істері басқармасының қолдауымен Мемлекеттік кірістер департаментінде «Жат діни ағымның алдын алу - қоғам міндеті» тақырыбы аясында ақпараттық-түсіндіру жұмыстары жүргізілді.

Кездесуге АТТ мүшесі теолог Ринат Қалмазұлы қатысты. Маман алдымен, маңызы, арнайы бекітілген дін турасындағы сайттар, әлеуметтік парақшалар туралы ақпарат беріп өтіп, діни қауіпсіздік, радикалды жат ағымдармен күресу, ішкі тұтастықты сақтау баршамыздың міндетіміз екенін ерекше айтты.

Одан әрі діни сауатты ұрпақ және радикалдық идеологияға «иммунитет» қалыптастыру, жат діни ағым көріністерінің алдын алу бойынша, қызметкерлерге рұқсат етілген және тыйым салынған нәрселердіде теолог-маман түсіндіріп өтті.

Сонымен қатар діни қызмет және діни бірлестіктер туралы ҚР-ның заңы, діни сенім бостандығы, сауаттылықтың маңызы жайында түсіндіріп және қатысушыларға өзге ағымның жетегіне кетіп, қазақи құндылықтарды жоққа шығарудың салдарынан салт-санамызға нұқсан келетінін ашық жеткізді.

Материал Атырау облысы бойынша Терроризмге қарсы

комиссия аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы