2024 жылғы 9 шілдеде әрбір қазақстандықтың мұқтаж жандарға өтеусіз көмек көрсетуге жеке қатысуы арқылы қайырымдылық және волонтерлік мәдениетті дамытуға бағытталған «Игі істер марафоны» жобасы  бастау алды. Марафон аясында «Мейірімділік апталығы мен тақырыптық іс-шаралар» өткізу жоспарланған. Марафонның мақсаты - Қазақстан халқы арасында волонтерлік және қайырымдылық мәдениетін тарату және дамыту.

11 шілде  Ақмола облысы бойынша «Экологиялық» апталығы аясында «Таза бейсенбілік» акциясы өткізілді. Акцияның мақсаты - қаламызды көгалдандыру және абаттандыру, қоршаған ортаны тазартуға үлес қосу.

Аталмыш акция бүгінде жастардың ерекше жақсы көретін іс-шараларының біріне айналып отыр.

Іс-шара барысында Көкшетау қаласында Қопа көлінің жағалуы мен маңы тазартылды, акцияға 100 – ден астам қала тұрғындары, жастар мен қоғам белсенділері қатысып, 3 тоннаға жуық қоқыс шығарылды. Жалпы облыс бойынша акцияға 1000 жуық адам қатысты.

Келесі кезекте су тасқыны апатынан зардап шеккен аймақтарды тазалау жоспарда.

Ақпарат көзі: ГУ «Аппарат акима Акмолинской области»