Қорғаныс министрлігі «Қазақстан Республикасы Қарулы Күштерінің, басқа да әскерлері мен әскери құралымдарының әскери киім нысанын киіп жүру және айырым белгілерін, сондай-ақ басқа да белгілерді тағып жүру қағидаларын бекіту туралы» Қазақстан Республикасы Қорғаныс министрінің 2017 жылғы 24 тамыздағы № 476 бұйрығына өзгерістер енгізу туралы» қорғаныс ведомствосы басшысының бұйрық жобасын дайындады.

Бұйрықтың жобасы «Қазақстан Республикасы Қарулы Күштері, басқа да әскерлері мен әскери құралымдары әскери қызметшілерінің әскери киім нысаны мен айырым белгілері туралы» Қазақстан Республикасы Президентінің 2011 жылғы 25 тамыздағы № 144 Жарлығына өзгерістер енгізу туралы» Мемлекет басшысының 2023 жылғы 12 желтоқсандағы № 413 Жарлығын іске асыру мақсатында әзірленді.

Құжатта әскери киім нысаны туралы Жарлыққа сәйкес киім-кешек пен аяқ киімнің атаулары, мемлекеттік наградалар мен төсбелгілерді тағу тәртібі нақтыланады.

Қорғаныс министрі бұйрығы жобасының толық мәтінімен «Электрондық үкімет» порталының «Ашық НҚА» бөлімінде биылғы жылдың 1 маусымына дейін мына сілтеме бойынша танысуға болады: https://legalacts.egov.kz/npa/view?id=15058673

Ақпарат көзі: Министерство обороны Республики Казахстан