Конституциялық Сот Аппараты басшысының орынбасары Ерлан Сапаров ЕҚЫҰ Демократиялық институттар және адам құқықтары жөніндегі бюросының (ДИАҚБ) Демократияландыру департаментінің басшысы Константин Вардзелашвили және Заң үстемдігі бөлімінің басшысы Геннадий Барбамен кездесті.

Кездесу барысында Е.Сапаров ЕҚЫҰ ДИАҚБ өкілдерін Конституциялық Соттың ағымдағы қызметі және қабылданған нормативтік қаулылар туралы хабардар етті. Басты назар конституциялық бақылау органының қылмыстық және қылмыстық-процестік заңнамасының нормаларын қараудың қорытындылары бойынша шығарылған шешімдеріне аударылды.

Кездесу қорытындысы бойынша тараптар одан әрі ынтымақтастықты жалғастыруға, өзара ақпарат алмасу және ЕҚЫҰ/ДИАҚБ тарапынан сараптамалық қолдау көрсетуге келісті.

Ақпарат көзі: Қазақстан Республикасының Конституциялық Соты