Конституциялық Соттың судьялары мен Аппаратының қызметкерлері Астанадағы Қарасу өзенінің жағасын тазарту акциясына белсенді қатысты. Шара 2024 жылғы 21 қыркүйекте World Cleanup Day жаһандық бастамасы және #EUBeachCleanup экологиялық науқаны аясында Астана қаласы әкімдігінің қолдауымен Қазақстандағы Еуропалық Одақ Өкілдігі мен Эстония Елшілігінің ұйымдастыруымен өтті.

Конституциялық Сот Төрағасының орынбасары Бақыт Нұрмұханов осындай бастамаларға қатысудың маңыздылығын атап өтіп, қоршаған ортаны қорғау жөніндегі бастамаларды қолдау экологиялық хабардарлықты арттыруға ықпал етіп қана қоймай, азаматтардың болашақ ұрпақ алдындағы жауапкершілік сезімін қалыптастыратынын атап өтті.

Шараға дипломаттарды, эко-белсенділерді, мемлекеттік органдардың, халықаралық ұйымдардың өкілдерін және елорда тұрғындарын қосқанда барлығы 300-ге жуық адам қатысты. Қатысушылар көптеген пластикалық бөтелкелерді жинап, қайта өңдеуге тапсырды.

World Cleanup Day - миллиондаған еріктілер, үкіметтер мен ұйымдарды біріктіретін ең үлкен жаһандық қозғалыстардың бірі. Өткен жылы акция 198 ел мен аумақтан 19 млн қатысушыларды біріктірді. 2024 жылдан бастап World Cleanup Day БҰҰ-ның ресми күні болып жарияланды, енді жыл сайын 20 қыркүйекте өткізіліп, халықаралық күндер мен апталардың күнтізбесіне енгізілді. Бұл идея 2008 жылы Эстонияда пайда болды.

#EUBeachCleanup - бұл бүкіл әлемде пластиктің ластануы туралы хабардарлықты арттыру үшін ЕО мен БҰҰ бастаған неғұрлым мақсатты жаһандық науқаны. 2023 жылы #EUBeachCleanup науқаны аясында ұйымдастырылған 555 іс-шарасында әрбір қоныстанған континенттегі 44 елде 45 700 адам жағажайлар мен өзен жағалауларындағы пластик және басқа да қалдықтарды жинастырды.

Телеграмм КС -

Ақпарат көзі: Қазақстан Республикасының Конституциялық Соты