ҰЛТТЫҚ ҒЫЛЫМ АКАДЕМИЯСЫНДА ҚАЗАҚСТАН ҒЫЛЫМЫНЫҢ ҚАЗІРГІ ЖАҒДАЙЫ МЕН ДАМУ ПЕРСПЕКТИВАЛАРЫ ТАЛҚЫЛАНДЫ

2024 жылғы 16 қыркүйекте Алматыда «Қазақстан ғылымының қазіргі жағдайы мен даму перспективалары» тақырыбында ғылыми-практикалық конференция өтті. Конференцияны ҚР Президентінің жанындағы ҚР Ұлттық ғылым академиясы Қазақстан-Британ техникалық университеті ғимаратында ұйымдастырды.

Ғылыми іс шара Президент Жолдауында көрсетілген ғылымды дамытудың негізгі мәселелерін талқылауға арналған маңызды алаңға айналды. Конференцияға ҚР Ғылым және жоғары білім министрлігінің өкілдері, ҚР Президентінің жанындағы ҚР ҰҒА академиктері, жоғары оқу орындары мен ғылыми-зерттеу институттарының басшылары, еліміздің және шетелдің жетекші ғалымдары, тәуелсіз сарапшылар, сондай-ақ отандық ғылымды дамытуға белсене атсалысатын дарынды жас ғалымдар қатысты.

Қатысушылар Президент Жолдауы аясында Қазақстан ғылымының қазіргі жағдайы мен даму болашағын талқылады. Спикерлердің басты назары ғылымды цифрландыру, жасанды интеллектті дамыту, денсаулық сақтау жүйесін реформалау қажеттілігі, Қазақстан Республикасында ауыл шаруашылығын дамытуға бағытталған мемлекеттік қолдау шараларын жетілдіру және Мемлекет басшысының Жолдауында көрсетілген басқа да маңызды мәселелерге аударылды.

Азаматтық қоғамды нығайтудың, әлеуметтік әділеттілік пен азаматтардың қауіпсіздігін қамтамасыз етудің өмір сүру үшін қолайлы және қауіпсіз орта құру стратегиясының маңызды элементтері ретіндегі маңыздылығы жеке атап өтілді.

Инновациялық технологияларды енгізуді, ирригациялық жүйелер мен инфрақұрылымды жаңғыртуды, сондай-ақ қазіргі заманғы су үнемдеуші технологияларды қолдануды қоса алғанда, Қазақстанның ауыл шаруашылығы өнімдерінің халықаралық нарықтарда бәсекеге қабілеттілігін арттыруға мүмкіндік беретін аграрлық секторды дамытуға ерекше назар аударылды.

Сондай-ақ, тұрақты энергетикалық даму мен елдің энергетикалық қауіпсіздігін қамтамасыз ету шешімдерінің бірі ретінде атом электр станциясын (АЭС) салу мүмкіндігі талқыланды. Жоғары білікті, бәсекеге қабілетті жұмысшы кадрларды даярлау мәселесін талқылау конференцияның маңызды тақырыбы болды.

Спикерлер цифрлық экономиканың қажеттіліктеріне және жасанды интеллект пен автоматтандыру сияқты озық технологияларға жауап беретін заманауи білім беру стандарттарына көшу қажеттігін атап өтті. Түлектерге нақты жұмыс ортасына тезірек бейімделуге мүмкіндік беретін теориялық оқытуды өндірістегі практикалық дайындықпен біріктіретін дуальды білім беру жүйесін енгізу қажеттілігі талқыланды.

Конференция қорытындысы бойынша қатысушылар Президент Жолдауында белгіленген басымдықтарды ескере отырып, Қазақстанда ғылымды дамытудың өзекті бағыттары бойынша егжей-тегжейлі ұсынымдар берді.

Ақпарат көзі: Қазақстан Республикасы Ғылым және жоғары білім министрлігі