Оқу-жаттығуды үйлестіру жөніндегі облыстық штаб Жезқазған қаласында орналасқан.

Қазақстан Республикасы аумағында жойқын жер сілкінісі туралы дабыл алғаннан кейін Ұлытау облысының аумақтық азаматтық қорғау жүйесі жоғары дайындық режиміне көшірілді.

Жойқынды жер сілкінісі кезінде жаһандық және өңірлік ауқымдағы төтенше жағдайларды жою жөніндегі іс-қимыл жоспарына сәйкес авариялық-құтқару және кезек күттірмейтін жұмыстарды жүргізу үшін азаматтық қорғаудың мемлекеттік жүйесі қызметтерінің күштері мен құралдарын жинау және белгіленген аудандарға жөнелту жарияланды.

Ұлытау облысының топтамасы 400 адам мен 160 бірлік техникадан құралған. Күштер мен құралдарды жөнелту темiр жол және автомобиль көлiгiмен жүзеге асырылды. Темiр жол көлiгiндегi екiншi эшелонмен 200 адам және 100 бiрлiк техникадан тұратын азаматтық қорғаудың инженерлiк және авариялық-құтқару құрамалары жiберiлдi. Темiр жол көлiгiмен келуi 3 тәулiк iшiнде жоспарланған. Үшінші эшелонмен автомобиль колоннасы 200 адам және 60 бірлік техника жіберілді. Келу 2-3 тәулік ішінде жоспарланған.

Автоколонналардың қозғалысын сүйемелдеу полиция департаменті бөлімшелерінің күшімен жүзеге асырылды.

Ұлытау облысындағы жойқын жер сілкінісі орындарынан эвакуацияланған және зардап шеккен аймақтардан тұрғындарды қабылдау үшін білім беру объектілерінде 42 қабылдау пункті бар. Полиция, медициналық және психологиялық қызмет департаменті тәулік бойы кезекшілік етті. ТЖ департаментінде тәулік бойы жедел желі жұмыс атқарды.

Ұлытау облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан