Мұғалжарлық 42 отбасы баспаналы болды
Мұғалжарлық 42 отбасы баспаналы болды
Мұғалжарлық 42 отбасы баспаналы болды
Мұғалжарлық 42 отбасы баспаналы болды
Мұғалжар ауданында су тасқынынан зардап шеккен 42 отбасы баспаналы болды. Аудан орталығы Қандыағаш қаласында өткен салтанатты іс-шарада Мұғалжар ауданының әкімі Дархан Ермағанбетов тұрғындарға баспана кілтін табыстап, жаңа қоныстарымен құттықтады.
Баспаналы болған 42 отбасы – көктемгі су тасқынынан зардап шеккен Ембі қаласы, Жағабұлақ, Бірлік, Басшилі, Қаракөл ауылдарының тұрғындары. Барлығы 728 млн.теңгеге Болат Өтемұратов, «Қамқор Ақтөбе - 2024» және «Dar Charity» қоғамдық қорлары арқылы үйлер сатып алынып берілді.
«Көктемгі су тасқыны кезінде Бірлік ауылында тұрған үйімді су басып жарамсыз болып қалды. Қиын сәтте мемлекет тарапынан қолдау көрсетіліп, Болат Өтемұратовтың қоғамдық қоры арқылы Қандыағаш қаласынан 6 бөлмелі үйді алдым. Үйлі болуға атсалысқан барлық азаматтарға айтар алғысым шексіз. Қуанышымда шек жоқ рахмет. Қандыағаш қаласының тұрғындарына ризашылығымды білдіремін»,- деді Бірлік ауылының тұрғыны Аймұхан Ахметов.
Мұғалжар ауданы бойынша су тасқыны кезінде барлығы 76 үй мен 3 коммерциялық нысанға зақым келіп, 8 шаруа қожалығы шығынға ұшырады. Су тасқынынан зардап шеккендерге 26 миллион теңгеден астам біржолғы көмек көрсетілді.
Бүгінгі таңда тасқын кезінде су басқан Жағабұлақ ауылында 9 үй, Бірлік ауылында 5 үй салынып жатыр. Мұғалжар ауданы бойынша 7 үйге жөндеу жұмыстары жүргізілуде. Зардап шеккендерге көмек көрсету және баспанамен қамтамасыз ету жұмыстары ел Президенті Қасым-Жомарт Тоқаевтың тапсырмасын орындау мақсатында жүргізілуде.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
