Қаржы

нарығын

реттеу

және

дамыту

агенттігінің

Т

өрағасы

Мәдина

Әбілқасымова

Бірінші

кредиттік

бюроның

20

жылдығына

арналған «

fcbk

2024:

бизнеске

қарай»

конференциясында

құттықтау

сөз

сөйледі.

Конференция

барысында

мемлекеттік

органдардың,

қаржы

және

кредит

секторларының,

IT

,

FinTech,

ақпараттық

қауіпсіздік

өкілдері

шағын

және

орта

бизнесті

дамыту

мен

цифрландыруды

талқылады.

Сөз сөйлеу барысында Агенттік басшысы

Бірінші

кредиттік

бюро

кредиттік тарихтың

ауқымды базасы

және

статистика,

талдау,

скорингтік

модельдер,

қаржы

нарығындағы

алаяқтыққа

қарсы

іс-қимыл

саласындағы

40

-тан

астам

сервисі бар,

еліміздегі

жетекші

технологиялық

компаниялардың

бірі

болғандығын атап өтті.

Бүгінгі

таңда

кредиттік

бюролар

қаржы

нарығына

қатысушыларды

тәуекелдерді

сапалы

бағалау

және

шешім

қабылдау

үшін

егжей-

тегжейлі

ақпаратпен

қамтамасыз ете отырып,

қаржы

секторының

инфрақұрылымының

ажырамас

бөлігі

болып табылады.

Агенттік Төрағасы жаңа технологияларды енгізу үшін қолайлы орта құру, қаржы нарығында инновацияларды қолдау Агенттіктің негізгі стратегиялық міндеттерінің бірі болып табылатынын, сондықтан Агенттіктің күш-жігері инновацияларды енгізу, цифрлық қаржы инфрақұрылымын дамыту, заманауи технологияларды қолдану үшін қолайлы құқықтық жағдайлар мен бизнес-ортаны құруға бағытталғанын атап өтті. Бұл шаралар қаржы нарығына қатысушылар мен қаржылық қызметтерді тұтынушылар арасында тиімді өзара іс-қимылды қалыптастыруға және азаматтар мен бизнес үшін қолжетімді цифрлық қызметтерді қамтамасыз етуге арналған.

Мәдина Әбілқасымова кредиттік бюролардың дамуы қаржы нарығында болып жатқан негізгі үрдістермен және реформалармен тығыз байланысты екенін атап өтті. Қаржы нарығы бүгінде тұрақты және орнықты өсуді көрсетіп отыр. Тек соңғы 5 жылдың өзінде қаржы ұйымдарының жиынтық активтері 2 еседен аса 67 трлн теңгеге дейін ұлғайды, бұл ІЖӨ-нің 54%-ын құрайды. Банктердің активтері 5 жылда 2 еседен аса 56,8 трлн теңгеге дейін ұлғайды. 

«Мемлекет басшысы қаржы секторын, атап айтқанда банк секторын одан әрі дамыту үшін бірқатар маңызды міндеттер қойды. Мемлекет басшысы өзінің 2 қыркүйектегі Жолдауында «Банктер және банк қызметі туралы» жаңа заңды әзірлеу міндетін қойды. Заң жобасы біз бүгін талқылап отырған мәселелерге бағытталатын болады, ол қаржылық технологиялар секторының дамуын ескеріп, банк саласында инновацияларды қауіпсіз енгізу үшін реттеуші орта құруды ынталандыратын болады. Бұдан басқа, банк секторында өздеріңізге белгілі маңызды үрдіс – бұл бәсекелестікті дамыту. Шетелдік банктердің Қазақстан нарығына кіруі үшін талаптарды ырықтандыру жүргізілуде. Бұған дейін микроқаржы ұйымдарын банктерге айналдыру үшін жағдайлар жасалды және жақын арада бізде бірқатар жаңа банктер пайда болады деп күтеміз», – деп толықтырды Мәдина Әбілқасымова.

Мемлекет басшысының қаржы секторының алдына қойған тағы бір маңызды міндеті  экономиканың нақты секторына кредит берудің өсуін қамтамасыз ету болып табылады.

«Әрине, бұл міндет бүкіл қаржы секторының, сондай-ақ бизнестің және мемлекеттік органдардың шоғырландырылған күш-жігерін талап етеді. Ағымдағы жылғы маусым айында Қазақстанда синдикатталған кредит беруді дамытуға бағытталған жаңа заңнамалық түзетулер қабылданды. Олар синдикаттарға қатысушыларды шетелдік банктердің, АХҚО-ның есебінен кеңейтуді және синдикатқа қатысушылардың кепіл құқықтарын күшейтуді көздейді. Даму институттары мен жеке меншік банктердің қатысуымен Жобалық кеңсе құрылды. 444 млрд теңгеге 4 жобаны қаржыландыру басталды. Реттеуші өз тарапынан нақты секторға кредит беруді ұлғайту мақсатында реттеушілік деңгейде өтімділікті босату және банктердің капиталына қысымды төмендету бойынша бірқатар ынталандырушы пруденциялық шараларды іске асыруда. Сонымен қатар, биыл зейнетақы активтерін банк облигацияларына инвестициялаудың жаңа тетігі іске қосылды. Бұл банктерді ұзақ мерзімді қорландыруды қамтамасыз ету үшін қажет. Осы мақсаттарға бағыттау жоспарланып отырған зейнетақы активтерінің жалпы көлемі 500 млрд теңгеге дейін құрайды. Ұсынылған қаражат экономиканың басым салаларындағы инвестициялық жобаларға кредит беруге бағытталатын болады», – деп хабарлады Агенттік басшысы.

Банк секторындағы тағы бір маңызды негізгі реформа – стрестік активтерді сататын цифрлық платформалар құру. Цифрлық платформаларды енгізу стрестік активтер нарығындағы ашықтықты арттыруға, әділ баға белгілеуді қамтамасыз етуге және инвесторлардың нарыққа қолжетімділігін кеңейтуге бағытталған.

«Мемлекет басшысының тапсырмасы бойынша тиісті заңнамалық түзетулер осы жылғы маусым айында қабылданды. Бұл орайда мен Бірінші кредиттік бюроның атқаратын маңызды рөлін атап өткім келеді. Бірінші кредиттік бюроның  бастамасы бойынша пилоттық режимде мәмілелер өткізілетін цифрлық платформаның алғашқы үлгісі әзірленді. Стрестік активтермен толыққанды сауда-саттықты бастау ағымдағы жылғы қараша айында жоспарланып отыр», – деп атап өтті Мәдина Әбілқасымова.

Қазіргі уақытта кредиттік бюролар қызметі кредиттік ұйымдар үшін ғана емес, сонымен қатар, сақтандыру нарығы мен бағалы қағаздар нарығының қатысушылары үшін де маңызды.

«Біз «Ұлттық рейтингтік агенттік туралы» заң жобасын әзірледік. Біздің ойымызша, Қазақстанға өзінің ұлттық рейтингтік агенттігі болуы маңызды, ол рейтингтік бағалауы бар бизнес аясын кеңейтуге, ШОБ-тың ашықтығын арттыруға, қор нарығына қолжетімділікті жеңілдетуге, капитал нарығы арқылы қорландыруды тартуға мүмкіндік береді.  Біз Бірінші кредиттік бюро осы рейтингтік агенттіктің және басқа да бірқатар жеке қаржы ұйымдарының акционері ретінде қатысады деп күтеміз. Сондай-ақ бірінші рейтингтік агенттіктің қалыптасуы мен дамуында мемлекеттік институттардың қатысуын қарастырамыз», – деді Агенттік Төрағасы.

Конференция барысында қатысушылар кредиттік бюролардың бүкіл қаржы секторын дамытудағы рөлінің өскенін және олардың айтарлықтай әлеуетін атап өтті.

 

Агенттіктің сыртқы коммуникациялар Басқармасы

+7 (727) 237 1089

press@finreg.kz

 

Ақпарат көзі: Қазақстан Республикасының Қаржы нарығын реттеу және дамыту агенттігі