Бүгін Ақмола облысының әкімі Марат Ахметжанов Біржан сал ауданының тұрғындарымен кездесті. Өңір басшысы өз баяндамасында Ел Президентінің тапсырмаларын орындауға және облыста жүзеге асырылып жатқан жобаларға егжей-тегжейлі тоқталып, жаңа экономикалық саясатқа сәйкес қызметтің негізгі бағыттары туралы айтып берді. 

«Мемлекет басшысы жаңа экономикалық саясат бағытын белгілеп, өңірлердің алдына стратегиялық міндеттер қойды. Біріншіден, бұл бюджеттік жоспарлаудың тиімділігі және оның нәтижеге бағдарлануы. Бұл міндеттер экономикалық тұрақтылық үшін ғана емес, халықтың өмір сүру сапасына да әсер етеді. Дәл осы жерде мемлекеттік басқарудың «адам орталықтандырылған» моделі жатыр, онда басты құндылықтар – азаматтар және олардың әл-ауқаты», - деп атап өтті М.Ахметжанов.

Айта кетейік, аудан тау-кен өнеркәсібіне, астық өндірісіне, мал шаруашылығына және ауыл шаруашылығы өнімдерін өңдеуге маманданған.

Өнеркәсіп саласында «Көкше-Цемент» өндірістік бірлестігі», «Семізбай-U» және «Өркен-Атансор» - «Өркен» өкілдігі үш ірі кәсіпорын жұмыс істейді. Құрамында алтын бар және темір кенін өндіру, Тоңазытқыш-климаттық жабдықтарды қайта өңдеу жөніндегі өнеркәсіптік кешенді ашу, ет фермаларын салу және кеңейту және демалыс базаларын ашу бойынша жобалар іске асырылуда.

Марат Ахметжанов жергілікті атқарушы органдар кәсіпкерлікті дамыту резервтерін және мемлекеттік қолдау түріндегі қолда бар әлеуетті толық пайдаланбайтынын атап өтті.

«Шағын жобаларды іске асырудан халықтың сенімі қалыптасуда. Жұртшылықпен жақсы қарым - қатынас жоқ, тұрғындар шағын және орта бизнесті дамытуға бағытталған іс-шаралар мен жобалар туралы білмейді», - деді облыс әкімі. 

Ауыл шаруашылығы блогына ауыса отырып, аудан әкімдігіне өндірісті ұлғайту және одан әрі оның төмендеуіне жол бермеу тапсырылды. Сонымен қатар, ауыл шаруашылығы өнімдерін өңдеуді ұлғайту үшін диқандарды мемлекеттік қолдау тетіктері толық көлемде пайдаланылсын. Ал жастардың кадрлық мәселесін шешу үшін атаулы стипендиялар мен жеңілдікті бағдарламаларды пайдалану қажет. Сондай-ақ, өңір басшысы туристік әлеуетке назар аударды.      

«Ауданның мәдени және туристік әлеуеті зор. Бірақ, әйтеуір, оны әлсіз қолданады. Аумақтың тартымдылығы арқасында емдеу-сауықтыру туризмі мен мәдени-танымдық туризмді дамытуға мүмкіндік бар», - деді өңір басшысы.

Іс-шара барысында әлеуметтік сала, құрылыс және инфрақұрылым мәселелері де қозғалды. Айта кетейік, жергілікті жерде кездесу өткен Баймырза ауылына кіреберісті жөндеу мәселесі шешілді.       

Соңында ауданның әлеуметтік-экономикалық дамуына үлес қосқан бірқатар тұрғындар облыс әкімінің алғыс хаттарымен марапатталды.  Азаматтарды жеке қабылдауда барысында жолдарды жөндеу, сумен жабдықтау, жарықтандыру, мектептерді жөндеу, жер мәселелерін шешу және т. б. мәселелер көтерілді.

Ақпарат көзі: ГУ «Аппарат акима Акмолинской области»