Ақмола облысы әкімі Марат Ахметжанов Есіл ауданының халқымен есептік кездесуі өтті.

Аймақ басшысы жиналған тұрғындарға Есіл ауданы ірі астықты өңірдің бірі екенін атап өтті. Биыл көктемгі егіс көлемі 496,6 мың гектарды құрайтынын да жеткізді. Бұл Жарқайың мен Жақсы аудандарынан кейінгі үшінші орында тұр. Алайда, бұл жерде өнеркәсіп саласы дамымаған. Шағын кәсіпорындарды, оның ішінде астық өңдеуді ашу жұмыстарын жүргізу қажет. Биыл облыстың агроөнеркәсіптік кешенін қолдау мақсатында Үкімет резервінен 9,8 миллиардтан астам қаржы бөлінді. Оның 2,2 миллиарды қайтарымсыз қаражат.

«Бөлінген ақша ауыл шаруашылығын дамытуға, еңбек өнімділігін арттыруға, қосымша жұмыс орындарын құруға, елді мекендердің инфрақұрылымын жақсартуға жұмсалуы тиіс. Бірте-бірте қайтарымсыз субсидиялардың орнына жеңілдетілген несиелендіру жүйесі дамитын болады, бұл туралы Президент Қасым-Жомарт Тоқаев өз сөзінде бірнеше рет атап өтті», - деді аймақ басшысы.

Ауданның әлеуметтік және инфрақұрылымдық мәселелерін шешуге инвестиция тартуға ерекше көңіл бөлінуде. Бүгінгі таңда аудан бірқатар жобаларды қолға алмақ. Атап айтқанда, таразы ғимаратының құрылысы мен жүк таразысын орнату, дүкен, сауда және әкімшілік ғимаратпен жанар-жағармай құю бекеті, тұқым тазалау желісі, мал шаруашылығы кешені және база.

Сондай-ақ, облыс әкімі еліміздегі атом энергетикасын дамыту мәселесіне де тоқтала кетті.

«Мемлекет басшысы Жолдауда атап өткендей, бізге сенімді және экологиялық таза электр энергиясының көздері өте қажет. Халық санының өсуі мен жаңа кәсіпорындардың іске қосылуын ескере отырып, әлемнің 30 елінде белсенді түрде қолданылатын атом энергетикасын дамыту тиімді шешім болар еді. Халық өз көзқарасын 6 қазанда өтетін референдумда айта алады», – деді Марат Ахметжанов.

Сонымен қатар, жиын барысында тұрғын үй, жол және білімсаласына қатысты бірқатар мәселелерді талқылады.

Марат Ахметжанов аудан әкіміне жұмыс істеу тәсілдерін қайта қарап, барлық жергілікті өзін-өзі басқару құрылымдарының қызметін неғұрлым мұқият жоспарлауды, сапалы нәтижеге назар аударуды міндеттеді. Сонымен қатар, бизнес құрылымдарын сүйемелдеуді және жүзеге асырылып жатқан жобалар мен мемлекеттік қолдау шаралары туралы халықты жедел хабардар етуді тапсырды.

Кейін аймақ басшысы азаматтарды жеке мәселесімен қабылдады. Онда жол, инфрақұрылым, тұрғын үй және бірқатар өзекті мәселелер көтерді. Облыс әкімі жұмыс сапары соңында Есіл ауданындағы тарихи-өлкетану мұражайы мен «Сана» қосымша білім беру орталығының жұмысымен танысты.

Ақпарат көзі: ГУ «Аппарат акима Акмолинской области»