Сандықтау ауданындағы ірі кәсіпорындардың бірі – «Максимовское» ЖШС.

1000-ға жуық адам тұратын Максимовка ауылында серіктестік қаражаты есебінен ауыл тұрғындарының сапалы өмір сүруіне жағдай жасалған. ЖШС қолдауының арқасында ауылда  жолдар жөнделді, жаңа спорт кешені, 12 бөлмелі қонақ үй үлгісіндегі жатақхана салынды. Сонымен қатар, кәсіпорын қызметкерлеріне жаңа заманауи әрі тегін баспана беріледі. Бүгінгі таңда ауыз сумен, ұзақ жану пештерімен, сапалы жиһазбен қамтамасыз етілген 10 екі пәтерлі тұрғын үй бой көтерді.

Жұмыс сапары аясында облыс әкімі Марат Ахметжанов Сандықтау ауданының Максимовка ауылында болды. «Максимовское»  ЖШС директоры Александр Закусилов егін жинау науқанының барысы туралы айты.

«Кәсіпорын 18 мың гектар егістік алқапта өсімдік шаруашылығымен айналысады. Оның ішінде егістік алқабы - 14 мың гектар, сонымен қатар жем-шөп алқаптары да бар. Биыл бидайдың «Алабұға» жұмсақ сұрыпы егілді. Өнімділік көрсеткіші гектарына 30 центнерден асып отыр. Субсидиялау және кредиттеу түрінде қолдау білдіргені үшін мемлекетке алғыс айтқым келеді. Биыл «Кең дала -2» бағдарламасын пайдаландық, ол қаражат шаруашылық қажеттіліктеріне жұмсалды. Субсидиялауға келетін болсақ, біз оны әртүрлі бағдарламалар бойынша аламыз. Субсидияға алынған қаражаттың едәуір бөлігін ауылымыздың әлеуметтік дамуына жұмсаймыз, өйткені ауыл тұрғындарының жағдайын жасамау ұят. Біз ұрпағымызға жарқын болашақ сыйлау үшін өмір сүруіміз керек», - деді А.Закусилов.

Сапар барысында облыс әкімі «Свободное» ЖШС қырманын, «М-Арена» жабық хоккей кортын, қонақ үй кешені мен ауылдың тірек пунктін аралап көрді.

Ақпарат көзі: ГУ «Аппарат акима Акмолинской области»