Биыл Ақмола облысында 130 мыңнан астам оқушы демалады. Қала сыртындағы лагерь мен жазғы мектеп жанындағы жазғы сауықтыру лагерларынан бөлек 1300 шығармашылық үйірме мен студия, 2900 еңбекжасағы, көгалдандыру бригадалары, зияткерлік жұмыспен қамтудың 560 нысаны және 549 спорт секциялары ұйымдастырылмақ. Мәдениет, спорт және білім беру саласындағы мемлекеттік тапсырысты іске асыру шеңберінде облыстың 28 мыңға жуық бала үшін үйірмелер мен секцияларға тегін қатысу мүмкіндігі ұсынылды.

Бұл туралы облыс әкімі Марат Ахметжановтың төрағалығымен өткен облыс әкімдігінің отырысында білім басқармасының басшысы Шоқан Оразалин баяндады.

Ведомство басшысының айтуынша, жазғы мектеп демалысына сапалы дайындық мақсатында Ақмола облысы әкімдігінің жанынан өңірлік штаб құрылды. 2024-2026 жылдарға арналған жазғы каникул уақытында оқушылардың демалысы мен жұмыспен қамтылуынұ йымдастыру жөніндегі өңірлік жоспар іске асырылуда және ведомство аралық комиссия құрылды.

«15 балалар сауықтыру орталығының базасында жобалық қуаттылығы бір маусымда шамамен 2 350 орын болатын қала сыртындағы демалыс ұйымдастырылады. Қосымша мектептер жанынан 488 мектеп жанындағы алаң жұмыс істейтін болады. Сондай – тәуекел тобындағы балаларды және халықтың әлеуметтік қорғалмаған топтарындағы балаларды толық қамту үшін жазбойы демалыстың 47-ге жуық аз шығынды нысандарының жұмысы жоспарланған. Бұл өлкетану жорықтары, экскурсиялар, шатырлар, киізүйлер. Жазғы кезеңде демалыс және жұмыспен қамту жөніндегі іс-шаралармен тәуекел аймағындағы 18 мыңға жуық бала қамтылатын болады. Су тасқынынан зардап шеккен аймақтардағы балалардың демалысына ерекше назар аударылады. Демалыста 195 оқушы болды, 60 бала сауықтыру лагерьлеріне жіберіледі. Облыс бойынша 3 мыңнан астам оқушы тегін демалыспен қамтылады», - деді Ш.Оразалин.

Марат Ахметжанов жазғы кезеңде балалардың сауықтыру демалысын, бос уақытын және жұмыспен қамтылуын ұйымдастыру мемлекеттің әлеуметтік саясатының ажырамас бөлігі және балалардың шығармашылық дамуы үшін мүмкіндік болып табылатынын атап өтті.

«Бірінші кезекте балаларды сауықтыру орталықтары мен лагерьлерге қабылдауға дайындық жұмыстарын уақытында аяқтап, рұқсат беру құжаттарынсыз объектілерді ашу фактілеріне жол бермеу қажет. Бұдан басқа, су айдындарында балалардың қауіпсіздігін қамтамасыз ету жөніндегі шараларды күшейту қажет. Балаларды бақылауды күшейту үшін ата-аналармен тұрақты негізде ақпараттық - түсіндіру жұмыстарын жүргізу», - деп қорытындылады өңір басшысы.

Кеңес қорытындысы бойынша білім басқармасына жеке лагерьлердің жұмысын ерекше бақылауға алу, балалардың демалыс нысандарында күрделі жөндеу жұмыстарын аяқтау тапсырылды. Аудандар мен қалалардың әкімдері балалардың бос уақытын ұйымдастыру жөніндегі іс-шараларды өткізуді қамтамасыз етулері тиіс.  Жазғы демалыс кезінде балалардың қауіпсіздігін басты назарда болуы қажет.

Ақпарат көзі: ГУ «Аппарат акима Акмолинской области»