Конституциялық Сот Еуропалық Одақтың Қазақстандағы өкілдігімен бірлесіп, TAIEX бағдарламасының қолдауымен мемлекеттік органдардың заңгерлеріне конституциялық сот төрелігі бойынша тренинг ұйымдастырды. Оның мақсаты – конституциялық сот төрелігі саласындағы кәсіби біліктілікті арттыру.

Спикерлер ретінде Қазақстан Республикасы Конституциялық Сотының судьясы Роман Подопригора, Германия Федералдық Конституциялық Сотының судьясы Томас Оффенлох және Литва Республикасы Конституциялық Сотының судьясы Томас Давулис сөз сөйледі. 

Семинарға Конституциялық Сот, Парламент, Президент, Бас прокуратура, Адам құқықтары жөніндегі уәкіл, Жоғарғы Сот және Әділет министрлігі аппараттарының, ғылыми ұйымдардың қызметкерлері, сондай-ақ заңгерлер мен заң консультанттары қатысты.

Тренингке қатысушыларға Қазақстан, Германия және Литва конституциялық соттарының тәжірибесіндегі конституциялық бақылаудың ерекшеліктері, конституциялық сот шешімдерінің құқықтық салдары, ұлттық заңнамадағы олқылықтарды конституциялық бағалау тәсілдері туралы айтылды.

Сондай-ақ, шара барысында үш елдің конституциялық соттарының судьялары арасында тәжірибе алмасу өтті.

Телеграмм КС - https://t.me/consot_kz

Ақпарат көзі: Қазақстан Республикасының Конституциялық Соты