Ағымдағы жылғы төртінші шілдеде 86 жасында Ақмола облысы мен Сандықтау ауданының Құрметті азаматы, «Отан» орденінің иегері, өңір мен елдің ауыл шаруашылығын дамытуға зор үлес қосқан меценат Александр Закусилов қайтыс болды.

Александр Александровичтің бүкіл өмірі Отанға, таңдаған ісіне, оның мұраттары мен құндылықтарына адалдықпен және жанқиярлықпен қызмет етудің жарқын мысалы болып табылады.

Ол қоғамдық-саяси өмірге белсенді қатысты, тұрғындар арасында үлкен бедел мен құрметке ие болды. Әрқашан принципті, еңбекқор, шығармашылықпен ойлайтын жетекші еді. Тамаша ұйымдастырушылық қабілеттерге ие болды.

«Отан» орденімен, «Тыңға 50 жыл», «ҚР Тәуелсіздігіне 25 жыл» мерекелік медальдармен, «Еңбек ардагері» медалімен марапатталған. 2007 жылы «Алтын жүрек» республикалық сыйлығына ие болды. Әлеуметтік саладағы қайырымдылық және демеушілік қызметі үшін ҚР Президентінің Құрметті дипломының иегері, «Үздік адамдар» энциклопедиясының құрмет белгісімен екі рет атап өтілді. 

Біз Александр Александровичті білетін және жақсы көретін туыстары мен жақындарына шын жүректен көңіл айтамыз. Жарқын жүзі біздің жүрегімізде, ал оның есімі біздің облыс тарихында мәңгілік сақталады.

Ақпарат көзі: ГУ «Аппарат акима Акмолинской области»