ӨНЕРКӘСІП ҮШІН КАДРЛАР ДАЯРЛАУ ЖӨНІНДЕГІ КЕҢЕЙТІЛГЕН КЕҢЕС

  Рудный индустриялық университетінде Қазақстан өнеркәсібі үшін кадрлар даярлаудың стратегиялық дамуына арналған кеңейтілген жиналыс өтті. Іс-шараға мемлекеттік органдар мен бизнес өкілдері қатысты, олардың қатарында: ҚР Премьер-Министрінің орынбасарының кеңесшісі Ким Джа Ха, «Республикалық тау-кен өндіруші және тау-кен металлургия кәсіпорындары қауымдастығы» ЗТБ атқарушы директорының орынбасары Б.Манасбаева, «ALLUR» компаниялар тобы директорлар кеңесі төрағасының кеңесшісі А.Ахметова болды.

  Жиналыс барысында жаңа білім беру бағдарламаларын әзірлеу және студенттерді даярлау сапасын арттыру үшін өнеркәсіптік кәсіпорындармен серіктестік байланыстарды нығайту жөнінде маңызды келісімдерге қол жеткізілді. Қатысушылар білім беру процесіне инновациялық технологияларды енгізуді талқылап, өнеркәсіпті жоғары білікті кадрлармен қамтамасыз етудің қажеттілігін атап өтті.

  «Бұл жиналыс білім беру жүйесі мен экономиканың нақты секторы арасындағы байланысты нығайтуға бағытталған стратегиялық бастамаларды жүзеге асыру жолындағы маңызды қадам болды. Рудный индустриялық университеті Қазақстан өнеркәсібінің дамуына елеулі үлес қосатын мамандарды даярлауда маңызды рөл атқара бермек», - деп атап өтті қатысушылар.

Ақпарат көзі: Қазақстан Республикасы Ғылым және жоғары білім министрлігі