Новодолинск кентінде жаңа жайлы саябақ ашылды. Бұл жерде осыған дейін ағаштары өсіп кеткен алқап болатын. Аумақты абаттандыру жобасы бұрыннан болған, тек қаржыландыруды күткен.

Бүгін ауданы 5 мың гектар жерді алып жатқан алқапта жасанды көгалы бар төрт ойын алаңы орнатылды. Кішкентай балаларға әткеншектер, ал жасөспірімдерге воркаутпен айналысуға болатын спорт алаңдары жабдықталды. Жаяу жүргіншілер үшін тротуар жолдар төселіп, жарық тартылды. Екі автомобиль тұрағы да қарастырылған. Алаң бес бейнекамера арқылы бақыланып, сәнді қоршаумен қоршалған.

– Биыл Новодолинск кентіне 70 жыл толады. Жаңа саябақ – мерекеге орайластырылған тамаша сыйлық. Тұрғындар олардың өтінішіне билік құлақ түргеніне өте қуанышты. Балаларға да, ересектерге де жайлы болуы үшін біз олардың барлық тілектерін ескеруге тырыстық, – дейді Новодолинск кентінің әкім аппаратының бас маманы Людмила Чобанюк.

Абаттандыру жұмыстарына 2 жыл кепілдік бар.

Ақпарат көзі: ГУ «Аппарат акима Карагандинской области»