Мемлекеттік қаржы жүйесін цифрлы трансформациялау дегеніміз не және оны жүзеге асырудың жолы қандай? Осы және өзге де маңызды сұрақтар ҚР Қаржы министрлігінің Ақпараттық-есепке алу орталығында өткізілген қоғамдық кеңестің көшпелі отырысында қаралып, пысықталды. Оның барысында ұйымның 8 айдағы жұмысы қорытындыланып, алдағы жоспарлар жөнінде айтылды.

Алқалы басқосуға мемлекеттік қаржы жөніндегі қоғамдық кеңестің мүшелері, сондай-ақ салалық ҮЕҰ өкілдері және Қаржы министрлігінің құрылымдық бөлімшелерінің басшылары қатысты.

Тұтастай алғанда, «АЕО» АҚ-ның көмегімен жасалып, қызмет көрсетілетін ақпараттық платформалар қазірдің өзінде еліміз бойынша 700 мыңға жуық қолданушыға (тіркелген) қажетті қызметті ұсынып келеді. Олардың саны жыл сайын ұлғайып жатыр. Компанияның негізгі міндеттеріне мемлекеттік меншікті жүргізу және есепке алу, бағалы қағаздар нарығындағы қызмет, астық қолхаттары бойынша тіркеу жұмысы, сондай-ақ қаржылық есептілік депозитарийін жүргізу кіреді. Бұдан басқа аталған орталық мемлекеттік қаржы жүйесін цифрлы трансформациялауға арналған сервистерді де әзірлеп жатқанын айта кетейік.

Жиынның соңында кеңес мүшелері министрлік өкілдеріне өзекті мәселелер бойынша белсенді диалог орнатып, пікір алысуға мүмкіндік туғанына ризашылықтарын жеткізді.

Ақпарат көзі: Министерство финансов Республики Казахстан