Семейдің «Қарағайлы» шағын ауданында қуаты сағатына 21,5 Гкал болатын блокты-модульді қазандықтың құрылысы жүріп жатыр. Жоба жеке инвестор қаржысы есебінен жүзеге асырылуда. Қазіргі уақытта бірінші қазандық монтаждалуда. Құрылыстың аяқталуы қараша айына жоспарланған. Аймақ басшысы Нұрлан Ұранхаев құрылыс алаңына барып, жұмыс барысымен танысты.

Аталған жұмыстардан бөлек, қараша айында алты тұрғын үйді, желтоқсанда 1200 орындық жаңа мектеп пен тағы үш үйді қоса алғанда, жақын маңдағы іске қосылған өзге де нысандарды жылумен қамтамасыз етуге мүмкіндік беретін сорғы станциясының (ПНС-3) құрылысы да аяқталуға жақын. Блокты-модульді қазандық пайдалануға берілгенге дейін осы нысандардың барлығы жылуды РК-3 қазандығынан ПНС-3 арқылы алатын болады.

Аймақ басшысы орынбасары Димитрий Гариков, Семей қаласының әкімі мен басқарма, коммуналдық қызмет басшыларына жұмыс қарқынын баяулатпай, керісінше, сапалы әрі жақын арада аяқтауды тапсырды.

Ақпарат көзі: Абай облысының әкімдігі