Облыс әкімі Бурабай ауданындағы Жастар демалыс орталығында болды. Щучинск қаласында жасөспірімдердің мәдени бос уақытын ұйымдастыру үшін жарты жылдан бері «Тұран» демалыс орталығы жұмыс істейді.    

Бүгінгі таңда орталыққа 50-ге жуық жасөспірім келеді. Мұнда жастар үстел ойындарымен айналысады, би билеуді, гитара мен домбырада ойнауды үйренеді. Сондай-ақ, шығармашылық және спорттық даму үшін жағдайлар жасалған.

Атқарылып жатқан жұмыстар туралы аудандық мектептік өзін-өзі басқарудың көшбасшы, Щучинск қаласы №3 ОМ оқушысы Әлішер Баймұқанов айтып берді.

«Орталықтың негізгі қызметі – жасөспірімдермен жұмыс. Балалармен түрлі тақырыптық іс-шаралар, конкурстар, зияткерлік ойындар, викториналар өткіземіз. Патриоттық тәрбиеге ерекше көңіл бөлінеді», - деді спикер.

Облыс әкімі Жастар орталығының жұмысына оң баға берді.

«Балалардың мұнда уақытын пайдалы өткізетіні өте жақсы. Мемлекет Басшысы өскелең ұрпаққа зор көңіл бөледі, өйткені жастар – Қазақстанның басты байлығы мен жарқын болашағы. Сіздерге шығармашылық табыс тілеймін» - деді М.Ахметжанов.

Ақпарат көзі: ГУ «Аппарат акима Акмолинской области»