Марат Ахметжановтың жұмыс сапары Егіндікөл ауылындағы шағын ауданға барудан басталды. Мұнда 72 пәтерлік 9 екі қабатты тұрғын үй орналасқан.

Ауыл әкімі Дархан Тапалов шағын ауданның тұрғындары пешпен жылытудан орталыққа көшу туралы мәселені бірнеше рет көтергенін хабарлады.

«Екі пәтерлі үйлерде негізінен зейнеткерлер, жас балалары бар отбасылар тұрады. Қыста олар екінші қабатқа ауыр көмір шелектерін көтеруге мәжбүр. Бүгінгі таңда блок–модульдік қазандықты орнатуға және ұзындығы 2500 метр жылу магистралін жүргізуге құжаттама әзірленді», - деді Д.Тапалов.

Облыс әкімі тұрғындарға тұрғылықты жеріне қарамастан жайлы жағдай жасау қажеттігін атап өтті.

«Қазандықты сатып алуға қаржы бөлінеді, алайда сіз тұрғындармен жылу магистралі үйге кірер алдында жүргізілетінін, тұрғындар үйішілік жүйені өздері жүргізуі тиіс екенін түсіндіру жұмыстарын жүргізуіңіз керек. «Қазандықты біз сатып аламыз, ал үйішілік жүйе дайын емес» - жағдайына тап болмайық», - деп атап өтті М.Ахметжанов.

Одан кейін, облыс басшысы № 1 мектепті күрделі жөндеу барысымен танысты. Екі қабатты ғимарат 1976 жылы пайдалануға берілген.

Бүгінгі таңда «Жылу жылу Сервис» ЖШС мердігер ұйымы шатырды және жылыту жүйесін жөндеуді, қасбетті оқшаулауды, ішкі әрлеу жұмыстарын, сондай-ақ мектеп аумағын абаттандыруды жүргізуде.

Марат Ахметжанов мердігер компанияға жұмыс қарқынын тездетуді және жаңа оқу жылы басталғанға дейін жөндеуді аяқтауды тапсырып, материалдар мен орындалатын жұмыстардың сапасына ерекше назар аударды.

Ақпарат көзі: ГУ «Аппарат акима Акмолинской области»