Өңір басшысының жеке қабылдауына бұл жолы облыстың бас аяғы 5 азаматы өтініш берді.

Атап айтар болсақ, Шынар Өскенбаева мәдениет ұйымдарының бірінде еңбек қатынастары мәселесімен қабылдауға келді. Тұрғынға еңбек заңнамасының нормалары түсіндірілді.

Ал Дәрігүл Кабулова өңір басшысына тұрғын үй мәселесімен жүгінді.

Сондай-ақ, Ұлжан Қапарованың және басқа да тұрғындардың үндеуі сайлауға арналды. Азаматтарға «Қазақстан Республикасындағы сайлау туралы» ҚР Конституциялық заңының жалпы ережелері түсіндірілді.

Сәтбаев тұрғыны Елдос Қазжапаров Құрылыс және жер пайдалану туралы, ал сәтбаевтық Нұрболат Сұлықпаев пен Шәмші Хамзе өңірдің тұрғын үй – коммуналдық шаруашылығы туралы сұрақтармен жүгінді.

Әрбір өтініш бойынша қолданыстағы заңнама шеңберінде мәселені шешудің ықтимал тәсілдері талқыланды.

Естеріңізге сала кетейік, тұрғындар өңір басшысына өз сұрақтарымен жүгінетін кездесулер тұрақты негізде өтуде. Облыс әкімінің қабылдауына алдын ала жазылу 8 (7102) 60-02-96 телефоны арқылы жүзеге асырылады.

Ақпарат көзі: Ұлытау облысының әкімдігі