Жамбыл облысының әкімі Ербол Қарашөкеев кешкілік уақытта Тараз қаласының бірнеше шағынаудандарын аралап, түнгі жарықпен қамту жұмыстарының сапасын тексерді.

Аралау барысында аймақ басшысы бірқатар тұрғындармен кездесіп, ой-пікірлерін тыңдады.

Бұған дейін «Самал» (7) шағынауданы түнгі жарықпен қамтылса, биыл облыс әкімнің тапсырмасына сәйкес, Тараздағы 10 шағынауданның (1,2,3,4,5,6,9 және массив «Қарасу» ш.а) көпқабатты үйлерінің аулалары, кіреберістері, мектепке барар жолдары толығымен жарықтандырылды.

Сондай-ақ С.Сейфуллин көшесіндегі жаяу жүргіншілерге арналған жол бойына да түнгі жарықтандыру жұмыстары жүзеге асуда.

Облыс әкімі бұл жұмыстарды қарқынды жалғастырып, Тараз қаласының өзге де шағынаудандарын, шалғайдағы тұрғын алқаптарды да түнгі жарықпен қамту шараларын қарастыру қажеттігін баса айтты.

Сонымен бірге бұл тиімді тәсілді облыстың өзге де шағын қалалары мен аудан орталықтарына таратуды тапсырды.

Ербол Қарашөкеев шағынаудандар ішіндегі, аулаларға кіреберіс жолдарды жөндеуге барынша көңіл бөлу керектігін ескертті. Биыл бұл бағыттағы ағымдағы жөндеу жұмыстарының көлемі үш есеге дейін артып отыр.

Сонымен қатар өңір басшысы қураған ағаштарды бұтау, шөптерді шабу, аулаларға суармалы су келуін қамтамасыз ету, ол үшін арық жүйелерін реттеу, тазалауға, қоқыстарды жинау мәселесіне де баса назар аударды.

Ағымдағы жылы қаладағы 40 шақырымға жуық арық жүйелері реттелуде.

Бұдан бөлек 20 типтік жаңа қоқыс алаңдарын орнату шаралары қолға алынып отыр. Бұл жоба өз нәтижесін берген жағдайда барлық қоқыс алаңдарын біртиптік үлгіге ауыстыру жұмыстары атқарылады.

Ақпарат көзі: КГУ «Аппарат акима Жамбылской области»