Ұлытау облысы әкімі Берік Әбдіғалиұлының кезекті қабылдауына өңірдің алты азаматы жазылды.

Атап айтар болсақ, Жанәділ Маймышев Ұлытау ауданындағы Айыртау және Аққора елдімекендеріндегі жарық желілері мәселесімен жүгінді.

Ал Ғазиз Сарханов баласының еміне қаражат мәселесі бойынша жазылған.

Сәтбаевтық Жаңыл Рустамбаева шағын және орта кәсіпкерлікке және қоғамдық көліктердегі жол жүру билетіне қатысты сұрақтарымен келді.

Ұлытау облысының тұрғыны Асқар Қошанов өңір басшысына Кеңгір ауылынан жер телімін алу үшін кезек мәселесімен жүгінді.

Анатолий Крючков облыстағы жас көрермендерге арналған театр сауалымен жолықты.

Ал Қанат Нарынұлы қабылдауда Сәтбаев қаласындағы көше аттарын өзгерту мәселесін қозғады.

Ақпарат көзі: Ұлытау облысының әкімдігі