Абай облысы әкімдігінде құрылымдық бөлімшелер мен ведомстволық бағыныстағы ұйымдардың қатысуымен 2024 жылдың 7 айындағы өтініштермен жұмыс қорытындылары, өтініштерді тіркеу, азаматтарды жеке қабылдау, сондай-ақ жасырын мемлекеттік қызметтерді анықтау мақсатында келіп түскен өтініштерді талдау мәселелері қаралды.

Есепті кезеңде азаматтардың 16 405 арызы тіркелді, бұл өткен жылдың осы кезеңімен салыстырғанда 26,3%-ға артық. Барлық өтініштер заңнама аясында қаралды.

Жеке және заңды тұлғалардың өтініштеріне атқарушы органдардың жауап беруіне байланысты өтініш берушілердің қанағаттанғандары туралы ай сайын кері байланыс мониторингі жүргізіледі.Қазақстан Республикасы Әкімшілік рәсімдік-процестік кодексінің мерзімдері мен талаптарының сақталуына мониторинг өтеді. Өтініштерді уақтылы қарауға және дұрыс бағыт беруге ерекше назар аударылады.

2024 жылдың 7 айының қорытындысы бойынша облыс әкімі 12 жеке қабылдау өткізіп, 104 азаматты қабылдады. Барлығы 126 сұрақ қойылып, оның 48-і қабылдау барысында шешілді немесе түсіндірмелер берілді.

Облыс әкімінің орынбасарлары, мемлекеттік орган басшылары, аудан, қала әкімдері 636 қабылдау өткізіп, онда 1767 адамның мәселе тыңдалды, оның ішінде қабылдау барысында 430 азаматтың сауалы оң шешімін тапты. Қалған 1337 азаматқа Қазақстан Республикасының қолданыстағы заңнамасына сәйкес кеңестер мен жазбаша түсініктемелер берілді.

Жергілікті атқарушы органдар «жасырын» мемлекеттік қызметтерді анықтау мақсатында азаматтардың өтініштерін бірыңғай ақпараттық жүйе арқылы талдайды. Мемлекеттік қызмет көрсету критерийлеріне сәйкес келетін өтініштерді Мемлекеттік көрсетілетін қызметтер тізіліміне енгізуге шақырылады.

Ақпарат көзі: Абай облысының әкімдігі