22 мамырда Омбудсмен кеңсесінде Қазақстан Республикасындағы Адам құқықтары жөніндегі уәкіл Артур Ластаев пен ЕҚЫҰ Демократиялық институттар және адам құқықтары жөніндегі бюросының (ДИАҚБ) Демократияландыру департаменті басшысы Константин Вардзелашвили кездесті.

Кездесу ЕҚЫҰ/ДИАҚБ Заң үстемдігі департаментінің басшысы Геннадий Барбаның және Омбудсмен кеңсесі басшылығының қатысуымен өтті.

Жиын барысында Артур Ластаев ЕҚЫҰ/ДИАҚБ және оның институттарымен өзара тығыз іс-қимылдың маңыздылығын атап өтіп, Омбудсмен кеңсесінің қызметіне тоқталды. Сонымен қатар қатысушыларды конституциялық реформа және елдегі адам құқықтарын нығайтуға бағытталған жүйелі жұмыстар туралы да хабардар етті.

Константин Вардзелашвили Қазақстандағы адам құқықтарын қорғау саласындағы оң үрдістерді атап өтіп, заңдылықты нығайту және адам құқықтары мен бостандықтарын қорғау саласындағы ЕҚЫҰ/ДИАҚБ сарапшылары тарапынан ынтымақтастықты кеңейтуге және техникалық қолдау көрсетуге дайын екенін білдірді.

Кездесу қорытындысы бойынша тараптар өзара мүдделі ынтымақтастық салаларындағы жұмысты белсенді түрде жалғастыруға келісті.

Ақпарат көзі: Қазақстан Республикасындағы Адам құқықтары жөніндегі уәкіл