Омбудсмен Артур Ластаев Германияның Адам құқықтары жөніндегі уәкілі Рената Альтпен кездесу өткізді
Омбудсмен Артур Ластаев Германияның Адам құқықтары жөніндегі уәкілі Рената Альтпен кездесу өткізді
Омбудсмен Артур Ластаев Германияның Адам құқықтары жөніндегі уәкілі Рената Альтпен кездесу өткізді
Омбудсмен Артур Ластаев Германияның Адам құқықтары жөніндегі уәкілі Рената Альтпен кездесу өткізді
Омбудсмен Артур Ластаев Германияның Адам құқықтары жөніндегі уәкілі Рената Альтпен кездесу өткізді
21 мамырда Омбудсмен кеңсесінде Қазақстан Республикасындағы Адам құқықтары жөніндегі уәкіл Артур Ластаев Германия Федеративтік Республикасы Бундестагының Адам құқықтары жөніндегі уәкілі және Комитет төрағасы Рената Альтпен кездесті.
Тараптар құқық қорғау жүйесін институционалдық дамыту мәселелерін және Қазақстандағы адам құқықтарының қорғалу жағдайын талқылады.
Артур Ластаев жүргізілген реформалар мен қызметтің негізгі бағыттарына тоқталып, өтініштердің санының өскені туралы, оларды қарау нәтижесінде 900-ден астам адамның құқықтарын қалпына келтіруге көмек көрсетілгені туралы атап өтті.
Сонымен қатар, ол азаптаудың алдын-алуды күшейтуге және оған мүлдем төзбеу саясатын нығайтуға назар аударды.
«Өткен жылы азаптаудың алдын алу үшін мың реттен аса жабық мекемелерге барып, 3,5 мыңнан астам ұсыныс енгіздік. Ал Ұлттық алдын алу тетігінің қатысушылары 461 рет превентивті мекемелерге барып, адамдардың құқықтарын бұзушылықтар туралы 3 мыңнан астам ұсыным жолдады. Уәкілдің жергілікті жерлердегі өкілдері 606 рет түзеу мекемелеріне барып, мемлекеттік органдарға 600 ұсыныс енгізді», - деді Артур Ластаев.
Уәкіл сондай-ақ азаптауға қатысты шағымдар санының азайғанына, өткен жылы осындай 165 өтініш келіп түскеніне, бұл 2022 жылмен салыстырғанда үш есе аз екеніне назар аударды.
Артур Ластаев Қазақстанда жалпы саны 23 мыңнан асатын үкіметтік емес ұйымдармен оның кеңсесі белсенді жұмыстар жасауда екенін атап өтті.
«Адам құқықтарын қорғау және ілгерілету, азаматтық қоғам мен билік диалогына ықпал етіп, құқық қорғау ұйымдарын қолдау Омбудсмен институты қызметінің басым бағыттары болды және солай болып қала береді», - деді, Адам құқықтары жөніндегі уәкіл.
Өз кезегінде Рената Альт Қазақстанда Отбасылық-тұрмыстық зорлық-зомбылыққа қарсы іс-қимыл туралы заңның қабылданғанына оң баға берді.
Кездесу қорытындысы бойынша тараптар өзекті мәселелер бойынша пікір алмасып, алдағы уақыттағы өзара ынтымақтастық пен екі ел арасындағы адам құқықтарын қорғауға бағытталған бастамаларды қолдау туралы уағдаласты.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
