Адам құқықтары жөніндегі уәкілдің Шымкенттегі өкіліне қала тұрғынынан арыз түсті.

Апелляциялық шағымында арызданушы 2019 жылы 2014 жылы туған балалар үйінің тәрбиеленушісін қамқорлыққа алғанын айтқан.

Алайда, сол уақыттан бастап, яғни 5 жылдан бері ол әйел ата-анасының қамқорлығынсыз қалған және патронаттық тәрбиеге алынған балалардың құқықтары мен мүдделерін қорғауды қамтамасыз етуге бағытталған әлеуметтік стандарттарға сәйкес жәрдемақы алу үшін құжаттарды рәсімдей алмай келген.

Өтінішті қарау барысында Уәкілдің өкілі Шымкент қалалық білім бөлімінің басшылығымен бірлесіп, өтініш берушіні жедел қабылдауға бастамашылық етті. Сонымен қатар, ол өз құзыретіне сәйкес Шымкент қаласының әкімдігіне нақтыланатын мән-жайларға тексеру жүргізу қажеттігі туралы ұсыным жолдады.

Уәкілетті мемлекеттік органдардың тексеру және өзара іс-қимыл нәтижелері бойынша өтініш берушіге мемлекеттік жәрдемақы тағайындалды.Осылайша, өтініш толығымен қанағаттандырылып, асырап алушы ана мен баланың құқықтары қалпына келтірілді.

Ақпарат көзі: Қазақстан Республикасындағы Адам құқықтары жөніндегі уәкіл