Ақмола облысының әкімі Марат Ахметжанов Қорғалжын ауданында болған жұмыс сапары барысында  Қорғалжын ауылындағы дене шынықтыру-сауықтыру орталығының құрылысымен  танысты. Қазіргі таңда аталмыш ғимараттың металл қаңқасын ("А" және "Б"блогы) орнату жұмыстары жүргізілуде. Қабырғалары мен шатырлардың сэндвич-панельдері, сонымен қатар нысанның терезе блоктары орнатылған.Сондай-ақ, 2-ші қабаттың металл конструкциялары орнатылуда.

Учаске шебері Ақиық Ноғаевтың айтуынша, «Жаркент алғыр» құрылыс компаниясы» серіктестігі құрылысқа қажетті барлық  материалдармен қамтамасыз етілген. Нысанды 2024 жылдың 4 тоқсанында тапсыру жоспарлануда.

«Аудан тұрғындары үшін бұл нысан спорт орталығына айналуы тиіс. Сондықтан біз үшін ғимараттың сапалы және мерзімінде салынуы өте маңызды», - деді облыс әкімі.

Атап өтуіміз керек, осы тектес спорт нысандары Есіл, Жарқайың, Жақсы, Ерейментау аудандарында және Красный яр ауылында салынуда.

Ақпарат көзі: ГУ «Аппарат акима Акмолинской области»