Орталық Азия мен Еуропалық Одақ сарапшыларына құқық үстемдігі мен адам құқықтарын қорғау үшін конституциялық заңдылықты қамтамасыз етудің маңыздылығы туралы айтылды
Орталық Азия мен Еуропалық Одақ сарапшыларына құқық үстемдігі мен адам құқықтарын қорғау үшін конституциялық заңдылықты қамтамасыз етудің маңыздылығы туралы айтылды
Конституциялық Сот Аппараты басшысының орынбасары Ерлан Сапаров Орталық Азия мен Еуропалық Одақтың өңірлік конференциясына қатысушыларға Қазақстан Республикасы Конституциялық Сотының конституциялық заңдылықты қамтамасыз ету жөніндегі қызметі және оның құқық үстемдігі мен адам құқықтарын қорғау үшін маңыздылығы туралы айтып берді.
Қорытынды өңірлік конференция Орталық Азиядағы құқық үстемдігі жөніндегі бағдарламаның Басқарушы комитетінің үшінші отырысымен қатар өтті. Бұл бағдарлама бірнеше жыл бойы Еуропа Кеңесі мен Еуропалық Одақтың бастамасымен жүзеге асырылды. Өңірлік бағдарламаның аяқталуы атап өтілген қорытынды өңірлік шарада Астанада конституциялық соттардың, әділет және басқа да ұлттық құқық қорғаушы институттарының өкілдері, сондай-ақ Орталық Азия мен Еуропалық Одақ елдерінен дипломатиялық корпус, сондай-ақ Еуропа Кеңесінің Құқық арқылы демократия үшін Еуропалық Комиссия хатшылығының өкілдері жиналды.
Еуропалық Одақтың Қазақстан Республикасындағы Елшісі Кестутис Янкаускас пен Еуропа Кеңесінің Бағдарламаны үйлестіру дирекциясының Директоры Клаус Нойкирх құттықтау сөз сөйледі. Конференция еуропалық сарапшылардың қолдауымен адам құқықтарын қорғаудың құқық қорғаушы тетіктерін, заңның үстемдігін нығайту жөніндегі Бағдарламаны іске асыру нәтижелерін бағалауға арналды.
Ерлан Сапаров өз сөзінде конституциялық тексеру қорытындысы бойынша қабылданған Конституциялық Соттың қорытынды шешімдері туралы хабардар етті.
Ол өзінің қорытынды шешімдерінде Конституциялық Сот адам құқықтарын қорғаудың конституциялық кепілдіктері тұрғысынан жаңа нормативтік-құқықтық түсіндірме бергенін атап өтті. Бірқатар шешімдерде Үкімет пен мемлекеттік органдарға құқық қолдану практикасында бұзушылықтарға әкеп соққан құқықтық қайшылықтарды жою жөнінде ұсыныстар берілді.
«Конституциялық заңдылықты қамтамасыз ету жөніндегі қызмет Конституцияның басқа заңдардан үстемдігін орнатуға сөзсіз жәрдемдеседі және практиктер мен заң шығарушылардың осы саладағы адам құқықтары мен мемлекеттің міндеттемелерін қорғау кепілдіктерін біркелкі түсінуін қамтамасыз етеді», – деп айтты Сапаров.
Шара соңында қорытынды өңірлік конференцияға қатысушылар Орталық Азия мен Еуропалық Одақтың құқық үстемдігі және адам құқықтарын қорғау мәселелері бойынша ынтымақтастығын жалғастыруға тілек білдірді.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
