Бизнес қауымдастықты географиялық көрсеткіштердің құқықтық қорғалуы және олардың өңірлік брендтерді дамытудағы рөлі туралы ақпараттандыру жөніндегі іс-шаралар аясында ағымдағы жылдың 5 шілдесінде Zoom режимінде Қостанай облысы Әділет департаменті басшысы Алия Аманжулова, Жітіқара ауданының әкімі Аслан Жаныспаев, ҚР Әділет министрлігінің бас сарапшысы Маржан Мақажан және «Qazpatent» басшысының орынбасары Айдын Артықова «Қостанай минералдары» АҚ (Қостанай облысы Жітіқара қаласы) өкілдерімен «Жітіқара хризотил – асбест» географиялық нұсқауды тіркеу мәселесі бойынша кездесті.

«Қостанай минералдары» АҚ - Қазақстан Республикасында хризотил-асбест және хризотил талшығын өндіруге маманданған жалғыз тау-кен өндіруші компания. Кәсіпорын әлемдік өнеркәсіпте қолданылатын маңызды элементтердің бірі-хризотил-асбесттің жетекші әлемдік өндірушісі және экспорттаушысы.

Өткен кездесуде әділет органдарының өкілдері зияткерлік меншік объектілерін құқықтық қорғаудың артықшылықтарын, сондай-ақ ол болмаған жағдайда жағымсыз салдарын түсіндірді.

«Қостанай минералдары» АҚ кездесудің уақтылығы мен позитивтілігін атап өтіп, «Жітіқара хризотил - асбест»географиялық нұсқауын тіркеуге өтінім беру туралы шешім қабылдады.

Ақпарат көзі: Министерство юстиции Республики Казахстан