Облыстық қуыршақ театрында «Қауіпсіз балалық шақ» акциясына айналған «Истории пожара Тушилыча» қойылымы өтті.

Бұл іс-шараның мақсаты тек көңіл көтеру ғана емес, сонымен қатар балаларда төтенше жағдай-өрт кезінде қауіпсіз мінез-құлықтың маңызды дағдыларын қалыптастыру болып табылады. Мұндай іс-шара Қостанай облысында алғаш рет өткізіліп отыр. Акция аясында театрландырылған қойылымдар, қауіпсіздік тақырыбында қызықты викториналар, сондай-ақ өрт сөндіру техникасын қарау өткізілді. Балалар қойылымнан ләззат алып, жарыстарға қатысып көңілді болды, сонымен қатар өрттің алдын алу және қауіп төнген жағдайда дұрыс әрекет ету туралы білімдерін шыңдады.

«Қауіпсіз балалық шақ» акциясы балаларды қауіпсіздікке үйрету миссиясын жалғастыруда және осындай бастамалар арқылы біз бірге балаларымыздың қауіпсіз әрі жарқын болашағын жасаймыз.

Қостанай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан