Парижде өтетін Паралимпиада ойындарына бару мүмкіндігі Милана Красавцеваға бұйырды. Ол - Ақтөбе қаласындағы мүмкіндігі шектеулі жандарға арналған спорт клубының тәрбиеленушісі.

Милананың үлкен спорттағы жолы енді басталды. Дегенмен, жетістіктері бар. Таеквондошы 2022 жылы Шарджада өткен турнирде 2 орын, Тегеранда өткен Президент Кубогінде 3 орын, биыл Тайанда және Да Нангедегі Азия чемпионатында 3 орын иеленген.

Айтып өту керек, бүгінгі күні Қазақстан қоржынында 33 жолдама бар. Миланаға дейін ақтөбелік дзюдошы Аяла Мереке паралимпиада лизенциясын қанжығасына байлады.

Ал XVII жазғы Паралимпиада ойындары Парижде 2024 жылдың 28 тамызы мен 8 қыркүйегі аралығында өтеді. Әзірге Қазақстан спортшылары 9 спорт түрінен, атап айтсақ, пауэрлифтинг, жеңіл атлетика, жүзу, волейбол, үстел теннисі, таеквондо, каноэ, дзюдо және оқ атудан өнер көрсетеді деп жоспарланып отыр.

Ақпарат көзі: ГУ «Акимат Актюбинской области»