Облыс әкімі Асайын Байханов жұмыс сапарымен Ертіс ауданына барып қайтты. Аймақтың басты астықты өлкесінің негізгі бағыттарының бірі - дәнді дақылдарды өсіру. Аудан егіс алқаптары бойынша көшбасында - 316,9 мың га. Болжамды жиналатын астықтың жалпы көлемі - 244,6 мың тонна, майлы дақылдар - 37,5 мың тонна.

Бүгінгі таңда дәнді дақылдардың 75,7 мың га алқабы жиналды, өнімділігі гектарына 12,8 центнерді құрайды. Астықты жинау науқанына 467 комбайн, 364 трактор жұмылдырылған. Шаруашылықтар жанар-жағармаймен толық көлемде қамтамасыз етілген.

Өңір басшысы «Кәусар» ШҚ егістіктерінде бидай мен күнбағыс жинау жұмыстарының барысымен танысты. Диқандар дәнді дақылдарды жинау науқанын 10 қазанға дейін аяқтап, одан кейін майлы дақылдарды жинауға кірісуді жоспарлауда. Шаруашылық күнбағыс өнімі былтырғы жылдан қарағанда екі есе көп мөлшерде жиналады деп болжауда. Биыл фермерлер мемлекеттік қолдаудың барлық шараларын қолданды: лизинг, арзандатылған дизель отыны және жеңілдетілген мемлекеттік субсидиялау бағдарламалары.

Облыс әкімі шаруалармен барлық мәселелерді талқылап, аудан ауылдарындағы жастардың жұмыспен қамтылуына назар аударды.- Ауылды қолдау маңызды. Бір жылдың ішінде Ертіс ауданынан 400 адам қоныс аударған. Бұл аудандағы 27 ауыл 1 ауылға кеміді деген сөз. Жастар көшіп кетіп жатыр, сондықтан, бизнесті дамыту, заманауи кәсіпорындарда тартымды жұмыс орындарын құру, лайықты жалақымен, жайлы техникамен қамтамасыз ету қажет, - деді өңір басшысы.

Сондай-ақ, облыс әкімі 900 гектардан қарақұмық, 4 мың гектардан арпа мен күнбағыс, 10 мың гектардан бидай және 500 гектардан зығыр жинап жатқан «Талапкер» ШҚ егіс алқаптарында болды. Мұнда астықтың 60% жиналды.

- Ең маңыздысын атап өткен жөн: бұл топырақ құнарлылығының төмендеуіне жол бермеу қажет, болашақ ұрпақтың да игілігіне жұмыс істеуі үшін жерге қамқорлық жасау керек. Ол үшін толыққанды астықты, май құрамы жоғары дақылдар алу үшін тыңайтқыштарды уақтылы себу қажет, - деді облыс әкімі астық жинау науқанын талқылау барысында фермерлерге.Сапар барысында Асайын Байханов «Фадеев сызығын», яғни, мықты тұқым өндірудің жұмсақ фракциялық технологиясын белсенді пайдалынып жатқан Абай атындағы ЖШС егіс алқаптарына барды. Жақсы ауа-райы жағдайлары және жаңа технологиялар шаруашылықты дәнді дақылдардың жоғары өнімділігімен қамтамасыз етті, бұл өз кезегінде ЖШС барлық қызметкерлерінің жалақысын 50%-ға көтеруге мүмкіндік берді.

Облыс әкімі бұл ҚР Президентінің халықтың табысын арттыру туралы тапсырмасын тікелей орындау екенін атап өтті. Егер әрбір фермер осылай жасаса, бұл ауыл тұрғындарының әл-ауқатын көтеруге оң әсер етеді.

Жұмыс сапары барысында Асайын Байханов Ертіс ауылындағы жөндеу жұмыстары аяқталған балалар өнер мектебін тексерді. Қараусыз қалған ғимаратты қайта жаңартуға 176 млн. теңге бөлінді. Бүгінде мұнда аудан орталығы мен жақын маңдағы ауылдардың 800 баласы көркемдік-эстетикалық, музыкалық, хореографиялық бағыттар бойынша сабақтарға қатысады.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»