Шомылу кезеңі 1 маусымда ашылды. Маусым бойы 39 ресми жағажай жұмыс істеді. Тәулік бойы ТЖД Жедел-құтқару жасағының қызметкерлері кезекшілік етті.

Шомылу маусымында үлкен ақпараттық және профилактикалық жұмыстар атқарылды. Департамент қызметкерлері еріктілермен, полиция және білім беру қызметкерлерімен бірлесіп 6 800-ден астам рейд жүргізді. Судағы жүріс-тұрыс ережелерін бұзғаны үшін облыстың 378 тұрғыны әкімшілік жауапкершілікке тартылды. Айыппұлдардың жалпы сомасы шамамен бір жарым миллион теңгені құрады.

Жедел құтқару жасағының қызметкерлері және қамқор тұрғындармен бірге  судан 8 адам құтқарылды, оның ішінде бір бала. 

Қазір жағажайлардағы құтқару бекеттері жабық. Жағажайларға қойылған жабдықтар жартылай алынып тасталынды. Маусымнан тыс жағажайларда суға түсетін азаматтарға айыппұл салынады. Шомылу маусымы аяқталғанына қарамастан, ТЖД қызметкерлері су объектілерін жоспарлы түрде патрульдеуді жалғастыруда.

Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан