Жыл сайын шабындық алқаптарда, ауыл шаруашылық кәсіпорындары жем-шөптерді жинау жұмысымен айналысады. Ал азықты сақтау орындары өрт шығуына бейім орындарының қатарына жатады. Атап айтқанда, аталмыш өрттердің бірі ағымдағы жылдың 24 шілдесінде Павлодар ауданы Заря ауылында болды. Ашық аумақта 3 мың дана көлемінде тюкталған шөп жанды. Өрттің себебі найзағай разряды болып табылды.

Осындай жағдайларды болдыртпау мақсатында, өңірдің аумағындағы орманды және демалыс орындарында ТЖД қызметкерлерімен 1312 бірлескен рейд жүргізілді, өрт қауіпсіздігі қағидаларын бұзушылықтар 193 адам әкімшілік жауапкершілікке тартылды. Профилактикалық іс-шараларды өткізу барысында көлік құралдарын пайдалану кезінде өрт қауіпсіздігі ережелерін бұзғаны үшін (ұшқын сөндіргіштің болмауы), шабындық алқаптарда өртке жол бергені үшін 34 жеке тұлға әкімшілік жауапкершілікке тартылды

Өрт қауіпті кезеңде өрттерді болдырмау мақсатында ауыл шаруашылығы жетекшілері және шаруа қожалықтарымен 1686 нұсқама, 1987 адамды қамтитын 187 дөңгелек үстел, 3182-ден астам адамды қамтитын 259 жиын өткізді.

ТЖД өрт қауіпсіздігі ережелерін қатаң сақтауды сұрайды.

 Павлодар облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан