Бүгін облыс әкімі Асайын Байханов Даңқ ескерткішіне гүл шоқтарын қою рәсіміне қатысып, Ұлы Отан соғысы жылдарында қаза тапқан павлодарлық жауынгерлерді бір минут үнсіздікпен еске алды.

Майдан даласында қаза болған жандарды еске алып, рухына тағзым ету үшін Жеңіс саябағына жүздеген павлодарлық келді.

Павлодарлықтардың Жеңіске қосқан үлесі зор. Соғыстың барлық кезеңінде майданға Павлодар өңірінен 40 486 адам шақырылды. Соғысқа аттанған сол жандардың жартысынан көбі майдан даласында қаза болды - 21 830 адам.

Павлодарлықтар соғыстың барлық ірі шайқастарына қатысты. 10 мыңнан астамы жауынгерлік наградалармен марапатталды. 23 павлодарлық Кеңес Одағының батыры атағын алса, 8 адам Даңқ орденінің толық кавалері атанды.

Бүгінгі таңда Павлодар облысында Ұлы Отан соғысының 7 ардагері тұрады. Жеңіс Күні қарсаңында өңір басшысы әрбір ардагердің үйіне арнайы барып, жылы лебізін білдіріп қайтты.

Павлодар облысы әкімінің баспасөз қызметі
Суреттерді түсірген Валерий Бугаев

Ақпарат көзі: ГУ «Аппарат акима Павлодарской области»