Бүгін ҚР Денсаулық сақтау министрі Ақмарал Әлназарова және СҚО әкімі Ғауез Нұрмұхамбетов жедел жәрдем бригадалары арасындағы республикалық спартакиаданың ашылу салтанатына қатысты. Еліміздің түкпір-түкпірінен 20 команда келді. Бір айта кетерлігі, облысымыз бұл жарыстарды алғаш рет өткізіп отыр. Бұған облыстың жедел жәрдем бригадасының былтыр жеңіске жетуі негіз болды.

Спартакиаданың арқасында жедел жәрдем станциясының қызметкерлері әріптестерімен тәжірибе алмасып, кәсіби шеберліктерін шыңдайды. 

"

Біз өз кезегімізде шұғыл көмек көрсету үшін барлық жағдайды жасап жатырмыз. Жедел жәрдем орталығындағы санитарлы көлік 100 пайызға жаңартылды. Биыл жедел медициналық көмек көрсетудің халықаралық стандарттарын дайындайтын оқу алаңы ашылды"

, - деп атап өтті өңір басшысы. 

Оған қоса, денсаулық сақтау министрі және облыс әкімі Бескөл ауылындағы аудандық емхананың құрылыс алаңында да болды.

 

Ақпарат көзі: КГУ «Аппарат акима Северо-Казахстанской области»