Мемлекет басшысының кеңесшісі Мәлік Отарбаев өңірдің белсенді жастарымен, діни қызметкерлермен, Қазақстан халқы Ассамблеясының мүшелерімен кездесу өткізді. Кездесу барысында Мәлік Отарбаев Мемлекет басшысы бастамашылық еткен ауқымды реформаларға, сондай-ақ Қасым-Жомарт Тоқаевтың биылғы Ұлттық Құрылтайда айтқан идеялары мен бастамаларын түсіндіруге кеңінен тоқталды.

«Айта кету керек, Президент біз ұстануға тиіс ең маңызды үш нәрсе: әділдік, ұрпақтар сабақтастығы және өрлеу туралы айтты. Қазір біз үшін ең маңыздысы - әділдік. Әділ шешім қабылдайтын саналы азамат қана қоғамға пайдалы болады», - деп атап өтті Мәлік Отарбаев.

Діни қызметкерлер өкілдерімен кездесуде Мәлік Отарбаев жастардың рухани келбетін қалыптастырудың, сондай-ақ Адал азамат тұжырымдамасының ерекше рөлін атап өтті.

Сонымен қатар, Мәлік Отарбаев жастармен кездесу барысында Мемлекет басшысының атынан су тасқыны кезіндегі көмегі үшін шын жүректен алғысын білдірді. Сондай-ақ, Президенттің кеңесшісі ҚХА мүшелерімен кездесіп, этносаралық келісім бағыты бойынша жұмыс тиісті бағытта жалғасатынын атап өтті.

Ақпарат көзі: Абай облысының әкімдігі