QYZPU МИЧИГАН МЕМЛЕКЕТТІК УНИВЕРСИТЕТІМЕН ЫНТЫМАҚТАСТЫҚ ТУРАЛЫ МЕМОРАНДУМҒА ҚОЛ ҚОЙДЫ

  QyzPU делегациясы АҚШ университеттеріне жұмыс сапары аясында Мичиган мемлекеттік университетінің мектепке дейінгі білім беру, STEM білім беру зертханаларына барып, университет басшылығымен кездесу өткізді.

  Мичиган мемлекеттік университеті – әлемдегі ең үздік 100 университеттің құрамына кіретін бірінші деңгейлі зерттеу университеті. Оқу орнының 30-ға жуық бағдарламасы ұлттық деңгейде үздік 20 университет тізіміне кіреді. Соңғы рейтингтерде Жоғары білім беруді басқару және білім беруді басқару саласында бірінші орынға ие болды, сонымен қатар білім беру бағдарламаларын әзірлеу және жобалау бойынша жетекші орындарды иеленді.

  Мичиган мемлекеттік университетінің халықаралық зерттеулер және бағдарламалар жөніндегі вице-провосты және деканы Стивен Хансон кездесу барысында ынтымақтастықтың маңыздылығын атап өтті. «Қазіргі уақытта біздің университет қазақстандық әріптестермен белсенді жұмыс жүргізуде. Қазақстанның педагогикалық жоғары оқу орындарымен ынтымақтастықтың жаңа мүмкіндіктері пайда болғанына қуаныштымыз», - деді ол.

  Қазақ ұлттық Қыздар университетінің басқарма төрағасы – ректорының айтуынша, меморандум профессорлық-оқытушылық құрам арасында тәжірибе алмасуға мүмкіндік береді. «Ынтымақтастық туралы меморандумға қол қою QyzPU мен MSU арасындағы мектеп мұғалімдерінің біліктілігін арттыру саласындағы өзара іс-қимылды кеңейтуге мүмкіндік береді, сондай-ақ профессорлық-оқытушылық құрам арасында тәжірибе алмасуды және бірлескен ғылыми жобалар жүргізуді қамтамасыз етеді», - деді Гүлмира Қанай.

  QyzPU оқытушылары Болашақ бағдарламасы бойынша Мичиган мемлекеттік университетінде ғылыми тағылымдамадан өтуде. 2024 жылдан бастап QyzPU MSU профессорларын шақырылған ғалымдар ретінде қабылдауды жоспарлап отыр, сонымен қатар екі жоғары оқу орны Астана қаласының мектептері үшін білім беру бағдарламаларын дайындауды жоспарлануда.

Ақпарат көзі: Қазақстан Республикасы Ғылым және жоғары білім министрлігі