26 қыркүйек күні ҚР Ғылым және жоғары білім вице-министрі Талғат Ешенқұлов азаматтарды жеке қабылдау өткізді. Қабылдау барысында азаматтар өздерін толғандыратын мәселелерді көтерді.

      Кездесуге қатысушылар негізінен мемлекеттік грант тағайындау, бөлінген гранттардың қаражатын тиімді игеру, сондай-ақ оқу орындарындағы білім сапасын арттыру мәселелеріне қатысты сауалдар қойды. Бұдан бөлек, кейбір азаматтар жоғары оқу орындарындағы оқу процестерін ұйымдастыру, стипендия көлемі және кадрлық мәселелерге қатысты сұрақтарын жолдады.

      Вице-министр Талғат Ілиясұлы қойылған сұрақтарға толық және жан-жақты жауап беріп, әрбір мәселенің шешілу барысын талқылады. Көтерілген мәселелердің барлығы жеке бақылауға алынып, әр сауал бойынша жауапты тұлғаларға нақты тапсырмалар берілді. Бұл тапсырмалардың орындалу барысы қатаң бақылауда болады.

     Қабылдау барысында айтылған ұсыныстар мен пікірлер білім беру жүйесін жетілдіруге бағытталған шараларды іске асыруда маңызды рөл атқаратыны атап өтілді.

Ақпарат көзі: Қазақстан Республикасы Ғылым және жоғары білім министрлігі