Жетісу облысында 12 тамыз Халықаралық жастар күнін кең ауқымды мерекелеу жоспарлануда. Жетісулық жастары үшін 3-12 тамыз күндері аралығында мерекелік онкүндік ұйымдастырылмақ. Мақсатты аудитория - 14-35 жас аралығындағы жастар, оның ішінде мектеп оқушылары, ЖОО мен колледж студенттері, жұмысшы, жұмыссыз, өзін-өзі қамтыған, NEET санатындағы және басқа да жастар. Осындай ақпаратпен Б.Құранбек атындағы Журналистер үйінде өткен баспасөз-мәслихатында «Jetisy Jastary» КММ директоры Еркебұлан Ақболатов бөлісті.

«Шараның негізгі мақсаты – жастарды қоғамдық-саяси, мәдени және спорттық іс-шараларға тарту, оларды әлеуметтендіру, шығармашыл жастарға қолдау көрсету, облыстың дамуына елеулі үлес қосып жүрген белсенді жастармен волонтерлерді ынталандыру, марапаттау, салауатты өмір салтын ұстануды насихаттау, зияткерлік қабілеттерін арттыру, потенциалын ашу, отансүйгіштікке, еңбекқорлыққа тәрбиелеу және өзекті проблемаларды анықтау, шешу жолдарын әзірлеу. Өзін-өзі басқару органдарын дамыту және өзекті проблемаларды анықтау», - деп түсіндірді Еркебұлан Ешмұхамбетұлы.Онкүндіктің аясында аудандық, қалалық, облыстық, республикалық және халықаралық деңгейдегі жалпы саны 100-ден астам шара ұйымдастырылады. Жастардың зияткерлік қабілеттерін арттыру мақсатында 3-5 тамыз аралығында республикалық пікірсайыс, интеллектуалды ойын, облыстық шахмат турнирі, Халықаралық «Жетісу жауһарлары» волонтерлік экспедициясы, нашақорлықтың алдын алуға бағытталған «Антиграффити» акциясы және облыстық жастар арасында әскери-патриоттық ойын өтеді.6-8 тамыз күндері жастар арасындағы шағын футболдан облыстық турнир, облыстық «Тәуелсіздік ұрпақтары» грантын табыстау, сондай-ақ «Мерейлі отбасы» ұлттық байқауының жеңімпаздарын марапаттау кеші, «Мейірімді Жетісу» фронт-офисінің 8 бағыт бойынша іс-шаралары ұйымдастырылады.9-10 тамызда Жетісу облысы әкімінің кубогі үшін республикалық Жайдарман ойыны,ерекше қажеттілігі бір жастар арасында облыстық «Жүректен жүрекке» шығармашылық байқау, «Dream city» жастар фестивалі болады.11-12 тамыз республикалық «Шаған тау» тау жарысы, «Көшбасшы-2024» облыс әкімінің жастар сыйлығын табыстау рәсімі, сондай-ақ, жұмыссыз жастар үшін «Бос жұмыс орындар жәрмеңкесін» өткізу жоспарлануда.

"Жетісу жастары" КММ мәліметі бойынша.

Ақпарат көзі: Жетісу облысының әкімдігі