Алматы облысы еліміздегі діни конфессиялардың көптүрлілігімен ерекшеленеді. Облыста 11 түрлі конфессияға тиесілі 424 діни бірлестік қызмет атқарады. Бұл көрсеткіш еліміздегі діни татулықтың, көпконфессионалды қоғамның және дінаралық келісімнің белгісі болып табылады.Облыс бойынша діни бірлестіктердің құрылымын талдайтын болсақ, ислам дінінің өкілдері басымдық танытады. Атап айтқанда, исламдық конфессияларға 304 бірлестік, орыс православ шіркеуіне 37, Рим-католиктік шіркеуге 10, протестанттық діндерге 63, Ехоба куәгерлеріне 9, және Кришна санасы қоғамына 1 бірлестік тиесілі. Сонымен қатар, облыс аумағында 422 діни ғимарат тіркелген, оның ішінде 304 мешіт, 35 орыс православ шіркеуі, 10 Рим-католик шіркеуі, 63 протестанттық шіркеу және 1 Кришна санасы ғибадатханасы бар.Облыста 661 діни қызметкер жұмыс істейді, оның ішінде 434 имам-ұстаздар. Ислам дініне арналған білім беру ұйымдары да белсенді қызмет атқарады. Облыста «Үшқоңыр» медресе-колледжі және «Нұр-Мүбарак» университетінің 3 дайындық курсы орналасқан. Бұл ұйымдар жастардың рухани білім алуына мүмкіндік жасап, діни экстремизмнің алдын алу мақсатында жұмыстанады.

Ақпараттық-түсіндіру жұмыстарыДіни экстремизм мен терроризмнің алдын алу үшін облыс әкімдігі арнайы ақпараттық-түсіндіру топтарын құрды. 11 топтың құрамында 137 адам жұмыс істейді. Осы топтар арқылы 700-ден астам іс-шара өткізіліп, 22 552 адам қамтылған. Негізгі аудиториялар ретінде жастар, мемлекеттік қызметкерлер, және әлеуметтік желі қолданушылары алынды.Облыста дінаралық келісімді нығайтуға арналған бірқатар іс-шаралар өткізіліп тұрады. Мысалы, 2024 жылы Қонаев қаласында діни бірлестік жетекшілерінің клуб отырысы ұйымдастырылды. Бұл отырыс барысында дінаралық байланыстарды нығайту, сыбайлас жемқорлықтың алдын алу шаралары талқыланды.Алматы облысындағы діни конфессиялар мен бірлестіктердің алуан түрлілігі, олардың арасындағы келісім мен ынтымақтастық еліміздің діни және мәдени байлығын көрсетеді. Облысымызда жүзеге асырылып жатқан іс-шаралар, ақпараттық-түсіндіру жұмыстары және білім беру ұйымдарының қызметі діни экстремизмнің алдын алуға және қоғамдағы дінаралық татулықты сақтауға бағытталған.

Ақпарат көзі: ​ГУ «Аппарат акима Алматинской области»